wong jowo

Yen sira kasinungan ngelmu kang marakake akeh wong seneng, aja sira malah rumangsa pinter, jalaran menawa Gusti mundhut bali ngelmu kang marakake sira kaloka iku, sira uga banjur kaya wong sejene, malah bisa aji godhong jati aking.(Bila anda mendapat anugrah ilmu yang membuat banyak orang senang, janganlah kamu merasa pintar, sebab apabila Tuhan mengambil lagi ilmu yang menyebabkan anda terkenal itu, anda akan menjadi orang biasa lagi, malah lebih bermanfaat daun yang kering)

Tuesday, March 7, 2006

cipoK'en .... saiki wae

fast

aku nduwe konco wong wedok sing jenenge mbak tata karo mbak titi ... ceritane aku pengin cedak karo deknen ... ning sing jenenge wong kekancan luwih becik nek iso ngerti jroning atine ... yo to ....
ceritane aku sok sokan ngekki pitakonan .. koyo ngetes .. ning yo gur iseng wae ... aku nakok'i mbak tata karo mbak tati koyo ngene :

1. ta/ti , koe nek ra ndue duit trus kudu nyilih koncomu koe piye ?

(tata) : tak cedakki sik koncoku .. trus tak sumeh sumeh ke ..mengko nek wis pas wektune lagek tak tembung nyilih duit ..
(aku) : o.. di pancing 2 sik yo ... nek koe ti ?
(titi) : tak celuk wonge terus " mas/mbak
aku meh nyilih duit ono ra ?"
(aku) : weh .. langsung to ... ?

2. Nek koe anyel utawane ra sreg karo tumindakke koncomu koe piye ... ?
(tata) : tak delok sik seminggu rongminggu .. nek jek koyo ngono lagi tak seneni ... tapi yo kui ndelok kahanan sing pas ... ojo2 malah kualik aku sing di seneni ..
(aku) : ngatur strategi sik yo ..? nek koe ti ?

(titi) : tak celuk wae trus tak omong .." Mas/Mbak mbok koe ra ngono !! marakke mumuet wae ...! "
(aku) : weh .. thes thes to ..?

3. Nek koe seneng karo wong sing mboksenengi trus piye ?
(tata) : yo tak kekki perhatian sing luwih ... sering nekokke kahanan .. nggolekki opo sing disenengi deknen .. nyesuaikan opo sing dadi kekarepanne ... karo rodo mancing2 sitik ... gen deknen ngerti nek aku seneng karo deknen ...
(aku) : wah pedekate yo .... ra kesuen kui ...? nek koe ti ?
(titi) : tak jak lungo trus tak bekep tak cuipook ben kapok ....
(aku) : weh ... nasar ....!!

pisanan aku nggagas wong kui kudu nglakoni proses sing duowo ... nek arep nglakokke opo2 .. ning kui jan .. mencla mencle tenan ... basa basi sapi ... entut mburut ... mbok nek pancen anyel ngomongo langsung .. ra sah ndadak ngenteni ... ra sah nganggo suwi .... mbok nek arep molo ki yo langsung di entekke sisan ... ra sah ndadak mencla mencle .. ba.. bi.. bu ... ngentek entekke abab wae ... wong neng kene ki okeh2 e yo koyo mbak tata kui ... arep ngopo ngopo di toto sik sing apik .. gen ketokke manis ... ning yo intine podo ... ora koyo mbak titi sing wis kendel dadi awakke dewe ... nek A yo A .. nek B yo B .. ra sah dadi penjilat ... sing pinter menakke bos bose ... hidup mbak titi ...
mbak omahmu neng endi ? No Hp ? ..

Monday, March 6, 2006

manTen ...

nek koe ngaku wis dadi wong sing kuat nglakoni urip .. koe kudu wani dadi manten ... lha iyo .. nek wong wis urip koyo ngene kui .. coro corone sekolah sing paling duwur tingkatane ... lulus po orane ... kui tergantung piye caramu nggarap soal yoiku cobaan sing ono neng keluargamu ...

Ono 3 soal gede sing iso nggawe crah keluargamu ning yo malah iso nggawe koe dadi kuat nglakuni urip bareng bojomu ...

1. Karep >>
wong nek wis siap nglakoni urip bebojon kui koyo dene wong meh lungo uadoooh banget ... le pisanan kudu mbok ngerti yo .. koe meh lungo neng ngendi ... kui sik !!! nek nganti saiki koe karo bojomu utawane calon bojomu rung ngerti sesuk meh ngopo ? sesuk meh neng ngendi ? yo koyo koe numpak pesawat ning pilote lagi ajaran ngeburke pesawat ... paling2 yo jiglok neng tengah dalan ... nek menurutku kekarepan mu kui ojo sing umuk .. ojo sing egois .. pokokmen kiro 2 iso mbok lakoni .. yo wis lakonono ....

2. Duit >>
gandeng koe kabeh saiki urip neng ndunio ... gelem ra gelem koe butuh duit nggo urip .. ra urusan duit kui entuk ko ngendi ... koe tetep butuh ... tur ra sithik ... uakiiih banget ... ono le ngomong aku ra butuh "bondhomu" ning aku butuh "tresnomu" .. preketek lah ... opo yo karo tresno koe iso tuku beras ..? opo karo tresno koe iso tuku obat pas bojomu loro ? ... ra to !! koe tetep butuh duit ... mulo dadi wong ojo do kesed nyambut gawe ... ra sahgengsi nggolek gawean .. kecuali wong tuomu jik turah duit ... ra masalah ... garek ngathung ... ning ati ati ... terutama sing wedok ... nek koe iso luwih pinter nggolek duit seko sing lenang .. kui yo iso dadi molo .... mengko iso iso do nyepelekke ... sing lanang dadi ra kajen ... mergo ra iso ngopeni bojone .... Nek wis koyo ngono ... wis urip karo bojone dewe koyo urip neng neroko !!!

3. Wong Liyo >>

sik jenenge wong lungo ... kui mesti ketemu wong liyo ... sok ketemu pengamen ..sok ketemu wong njaluk njaluk ... copet ... sedulur ... lan lia liane ... kabeh kui mesti kedaden ... mbokno koe karo bojomu wis kuat mlaku wong loro .. tapi ati ati karo tamu sing ora di songko ... iso kui wong tuomu dewe ... morotuomu ... koncomu .. sedulurmu ... utawane ... blas ra kenal .... kabeh iso njebloske koe neng masalah sing ra di songko songko ... ojo kaget .... kadang sedulur kui luwih kejem seko ULO ... kadang morotuo kui luih trengginas ... opo neh wong sing dudu opo2 neng keluargamu .... gur goro goro salah le ngukur lemah warisan we iso santet-santetan ... gur utang 50 ewu ra di balekke we .. ra gelem mlengo ... wah wis yo koyo ngono kui nek wis kelebon kerikil seko njobo ...

Kabeh mau janjane gampang ... nek benteng mu wis kuat .. lakumu bakal iso tekan nggonne kanthi apik ... bentenge kui yo "Agomo" ... endi le agomo ne apik .... wis to .... ra ono sing angel ... nek ke "karep"an ne mbok dasari agomo ... koe bakal entuk pitulungan karo Gusti Allah ... mbok no koe ora turah "Duit" .. nek koe tetep iso syukur karo opo opo sing di kekki Gusti Alloh ... ra ono istilahe kurang ... onone turah .... Nek koe gelem ngunggahke iman mu .. le jenenge "Wong Liyo" bakal dadi sedulur sing apik ... ora malah sak walikke ....

Kabeh kui ra bedo karo keluarga besar sing neng pabrik ku kene ... ning jan njijikki tenan ... jan jane yo lagi wae .. bapak2e karo ibu2ne do sepakat nduwe ke"karep"an ...nek boso kerene MOU opo op ... ra dong .... ning nyatane ... lagi wae arep di tenani .. wis do paten patenan dewe2 ... wis do jegal jegalan .... sing neng nduwur di geret medun ... sing nengisor di pakakke nduwur ...
Nyawang juragane do koyo ngono ... marakke mumet ...ngandani yo ra iso ... misuh opo neh ... iso iso di "demosi" dadi tukang resik2 wc .... kui durung masalah duit ... di irit irit po medit ... ra iso mbedakke ... sing kudune dadi hak malah di sunat ... sing maune rodo nggawe penak ... di sikat ... koyo koyo nggawe undang2 ra nyawang piye sing bakal nglakokke ... jarene kebijaksanaan ... ning malah dadi ke-bajingan !!! sing di gagas masalah sing cilik ... ono ne ra seneng karo rupo ... ra nyawang gaweane ... yo bejo wae sing nduwe tampang ayu titik utawane rodo perlente ... le penting rodo kinclong ... masa depan cerah ... nek sing mbutuhul koyo bakul thiwulyo ... ngenen iki ... nek wis koyo ngono kui ngetoki nek "agomo" ra di nduweni neng juraganku yo ...

Saturday, March 4, 2006

Titenono ...

nyante wae pak ... kiro kiro 10 tahun kas aku siap nggantini awakmu ... pokokmen tak jamin luwih joss seko awakmu .. nek saiki aku wis ndelok coro mu mimpin negoro wis "rodo" mending timbangane liyane ... gur sing bosok kabinetmu ... ning yo ra kabeh ... (ojo nesu lho bos ... )
suk nek aku nggantini koe aku bakal nggawe 3 partai anyar .. iki tak kandani saiki ... nek arep mbok lakokke saiki yo luwih apik .. ning nek ora yo sak karepku ... le jelas aku gur pengin ngewangi koe yo pak ...

1. ParHas (Partai Mahasiswa) >>
kui partai sing bakalan ngurusi mahasiswa sak negoro indonesia ... sing milih ..yo mahasiswa ... wonge yo kudu mahasiswa ... mikirke kepentingane mahasiswa.. ngurusi mahasiswa sing kerep demo neng ndalan .. pokoke koyo presidene mahasiswa lah ...
dadine negoro ra sah mumet ngadepi mahasiswa... ra pelu uncal uncalan bom asap nggo ngusir mahasiswa.. ra perlu bakar bakaran ban bekas ... le jelas wong enom kui ra kudu "nggeh pak" ning yo .. nduwe hak nggo nemtokke masa depan ne .. ora kok bapak bapakke sing saiki do sibuk ngentekke bondone negoro ... lha sesuk konco2 mahasiswa kumanan opone yo ...???

2.ParKer(Partai Kere) >>

iki partai sing anggotane paling akeh ... hak suarane paling akeh .. lha wong nyalurke aspirasine wong kere, pengemis,pemulung,wong tuna wisma lan sak jenisse ... sing dadi ketuane yo kudu wong seko kaum Kere ... dadi eling fileme King oh Begar yo .. yo ngono kui lah .. nek parte liane do mumet mikirke inflasi ... tetek bengek ... ParKer kui mikirke piye carane rakyate entuk sego pendak ndinone ...

3.ParKrim (Paratai Kriminal) >>
Iki parte sing kontribusi karo pendapatan negara sing paling okeh ... sing ndukung yo bangsane maling ... rampok .. pembajak .. lonte .. bakul narkotik .. bandar judi .. lan sakjenisse .. sing koyo ngene ojo di lalekke ... goro goro wong jenis kui .. justru polisi do sugeh sugeh ... jaksa do dadi milyuner .. wakil rakyat do mulyo .... mbokno isine wong penjahat ning kan yo menungso ... menungso sing butuh urip penak .. menungso sing ra kepengin sengsoro ... menungso sing ora puas karo peraturan ... birokrasi karo undang undang sing wis ono ... menungso sing diremehke karo di sio sio ...

kui kabeh mau tak lakokke suk mben yo pak .. nek saiki lagi nggagas pabrik neng nggonku sing ndessoo ... wong buruhe okeh kok SPSI ne ra jelas ... buruh nggonku gur dikadali karo pejabate... SPSI gur nggo embel2 tok .. ning gombel mbelgedes.... ra kanggo blass... buktine pas ono sing kasus di PHK ... endi SPSI ne !!! ra ono sing nggagas ... pas ono demo demo-an ... endi ra ono sing ndampingi soko SPSI .... jan pabrik ndeso tenan .... ra nggatekke wong minoritas ..ra ngajeni wong cilik ... isone nindes karo meress... ra bedo karo kompeni ... titenono suk nek aku ngganteni mas SBY ... paling durung nganti aku ngganteni SBY ketua SPSI ne wis modar sik yo ... mbuh nek aku sik sing di modarke sing nduwe pabrik .... mbuh .. ra nggagas !!!!

Gusti Ketek Putih ...

Sing jenenge munyuk .. ketek .. lutung .. kui yo intine podo ... gaweanne pencilakkan neng ngendi wae .. ra nggagas opo sing di lakokke .. ra nduwe isin nek njaluk opo opo wae ...

pancen tak akui koe kui pinter ... sekti yo iyo ... lucu yo iyo .. ning polah tingkahmu kui jan njjikki tenan ... untunge aku kiyo keturunan mbah pitichan tropus kementus ... jik sak sedulur karo koe ... karo son go kong ...
Ning nek polahmu wis kemaki koyo yok yok'o ngono kui .. somo sing ra emosi cobo ... kene ki yo njagani tenanan ... nek koe meh mbubrahke panggonan .. neng gembira loka kono ...neng kono wis dicepakke nggone ... mengko aku tak urun gedang wis to ... le jelas koe ra sah kemaki yo ..
aku ngerti nek koe ra iso ngrubah polah tingkahmu ... mergo ra ono sekolah sing pas nggo koe ... ono ne sekolah pelatihan sirkus ...
Intine anggere ra pengin di grawut yo ojo nggrawut yo ... nek koe lulut .. wong do seneng ...ning nek ko nggilani aku yo huekk cuihh ... wis kono melu casting kera sakti wae ... sopo ngerti lolos .... ora ketang gur dadi figuran yo ra popo ....

/awan ...

Nek menurutku "perawan" kui ra bedo karo KTP ... soale yo gur ngono kui neng KTP kan isine gur nggo status tok .. till ... gur ngo mbedakke wis kawin po urung .. janda po duda ... yo gur ngono tok ...
Ora piye piye sih .. lha ning saiki nek cah lanang gur nggolek bojo sing perawan ... nek menurutku guoblook tenan .... nek gur nggolek perawan .. garek sms wae karo germone ayam kampus ... trus njaluk sing prodak anyar .. mesti lak dikekki sing perawan ... mbayarmu nggo ngrasakke perawan luwih murah timbangane biaya rabimu .... ra percoyo .. cobo dewe wae ... ra sah ngejak jak aku ...

ketokke ora adil banget .. nek wong wedok kui kon berjuang mati matian nggo mempertahankan status KTP ne iki .. mbok yo..o.. wong lanang yo dingonokke ...

wong wedok sing kelangan perawan kui wajar ... sing dadi ora wajar kui nek ndelok kasuse .. nek misalke ilang mergo di perkosa ... yo kui jenenge musibah ... mbok no awakmu wis di regeti wong sing ra semestine ... le penting Gusti Allah ora sare ... pancen koyo ngene nggawe cilik ati karo tatu sing ra iso ilang ... ning yo kui uripmu ora gur tekan kono tok .. perawan kui gur nggo status KTP ... siji sijine obat koe kudu okeh ndonga lan kudu luwih ngati ati tumindak ... opo sing mbok duweni neng awak ra sah di umbar ... ra sah diketok ketokke ...soalle sing nyawang kui ora gur menungso ... setan karo demit yo melu nyawang ..

nek sing ilange mergo kebablasen pas yang yangan.... piye ? wah nek kui ra ono sing di salahke .. lha piye ... sing jenenge rasa sayang karo yang-e mesti yo kecampur "nafsu" kui mesti ... nek ora mesti yo ra normal .... nek wis mulai cedak lanang-wedok .. pisan sih isin isin .. ning nek wis yo do njarag ... aseline wong kene (indo) ra bedo karo wong "londo" gur luwih nduwe isin sitik .. ra tek fulgar... ning yo jan jane kabeh menungso kui yo koyo ngono ... nduweni roso tresno karo nafsu ...wong jenenge lagi picek mergo roso atine dewe dewe ... tur yo wis do pengin .. nek wis koyo ngono ... nek iso yo ndang rabi ... ben dadi halal .. tapi nek ra iso yo do njaluk ngapuro sing tenanan karo Sing nggawe urip ...

Ning aku kok ra lilo yo .. nek sing di gembar gemborke kui perawan terus ... ra tau bujang ... padahal kan podo podo "status" ... ono gur film virgin .. sinetron aku gak perawan ... tapi ra ono film "bujang" .. padahal nek arep blak blakan .. wong lanang kui luih bosok nek masalah njogo ke"bujangan" nya ... ning yo ra tau ono sing ngribetke yo ...

Intine guoblok nek nganti saiki jek ngributke masalah perawan !!! .. nek meh ngributke kui nek Status KTP mu jek " Islam KTP " po " Kristen KTP " po sak jenisse ... sing koyo ngono kui sing kudu digagas tenanan .. jare ne Islam .. ning jek Tugas Luar jek mampir " NJAJAN" ... entuk fasilitas karo turah duit neng gur ngo golek filem Be eF .. nggo nggolek wedokkan ... wis cethu ngono .. ra gelem ngakoni ... tapi malah ngelek ngelekke wong liyo .... Ndeeesooooooo ....

Friday, March 3, 2006

Lagi ra NDobos ...

neng sawijining dino ... aku dolan neng gone koncoku sing jenenge " Dr.Moor Dreey MM.SH.Phd.SSSK.Sssss mbhuh oponeh .." neng ngayogyokarto ... aku kon nemuni dewekne neng Malioboro Mall ... aku markirke pit motorku neng Lor Mall ... terus mlaku neng pinggiran malioboro neng arah mall ...

tekan nggon pojokkan mall .. pas neng nggon ngarep MC D' .. aku mandeg dilit .. nyawang pemandangan apik ... neng MC D' kui kocone kan gedi ... dadi aku koyo nonton TV sing ukuranne guedi ... neng pojok lor ... ono wong2 wedok lagi do cekikian ... aku nganti ra iso ngeleg idu .. lha piye wong sandangane .. jan nobatke tenan ... wudel karo pupune do di ler ler ... trus ketokke do pamer susu ... nek wis koyo ngono mbok wis ra klamben wae yo ... pancen wonge bening bening .. rambute wae do di cet abing koyo pas kampanye partai banteng ... trus lambene ... jan ... ra nguati tenan ... neng mejone ono HP sing regane 5 yutonan luwih ... ketokke uripe wis penak tenan ... opo uripe nggo " menakke" wong liyo yo ...

trus neng jejere ono wong sing rodo perlente ... lanang wedok ... sing lanang do nganggo jas ... lagi ngutek ngutek laptop ... mbuh iso tenan po gur nggaya tok .. trus sing wedok yo lagi moco brosur paket kosmetik po opo .. ra tek jelas .. ning ketokke high class .. wong wong kui gur pesen burger karo ngombe cola ... opo lagi diet ra mangan sego .. po gur kemaki ben ra ketok urakkan yo ...

neng pojok sebelahe ono rombongan cah sekolahan .. ketokke jek SMP .. soale jek nganggo seragam .. nggowo tas sekolah ... okeh okehe wong wedok .. nek nyawang rupane .. ketokke cah cah kui yo wong kopen .. pesene panganan yo ra umum .. tambah es cream sing macem macem .. marakke pengin wae ... koyo koyo wis neng omahe dewe .. do pencilakkan .. do ngguya ngguyu ..ono sing foto fotonan karo HP camera-ne ... wong koyo ngono ketokke ra nggagas duit .. pokokke garek njaluk wong tuone dewe dewe .. iso dikiro kiro sedino sangune dekke ketokke tikel tikel dibanding gajine koncoku sing lagi meres kringet neng pabrik ...

sing marakke lucu ... nek kui mau kan neng nggon MC D sing koyo tv guedi... lha neng ngisore pas .. koyo dadi penonton ... okeh wong do ngathung ... nek di sawang ketokke ra tau adus seminggu.. eh ra ding sesasi yakke ... wis di rubung laler .. korengen ... hyeekkk .. njijikki tenan ... ono sing cah cilik sing luethek ... yo melu "nyuwun porang paring " ... padahal nek di gagas sing neng njero tv guedi kui garek nguncalke duit atusan ewu sakwonge paring yo ra kroso yo ....

Lagi seneng nyawang pemandangan ngono kui .. ujuk ujuk ono sing nyeblek ko mburi .. jebul koncoku Dr. Moor Dreey kui mau ... singkat cerito aku di jak dolan neng kantore deknen ... tekan nggone pas jam ngaso ... dadi aku weruh buruh buruh pabrik neng kantore deknen do nggreguduk kantin sing neng cedak kono .. wis luwe ketokke yo ... trus neng sebelah kantin sing digrudug kae mau yo ono kantin meneh sing luwih apik ... ketokke do dinggo bos bose kono .. opo sop mbuh ... trus aku takok karo koncoku ...

(aku) Lha koe mangan neng ngendi dhab ...
(koncoku) yo neng kono <>
(aku) yo wis kono manganno .. tak enteni neng kene .. lha wong aku mau wis jajajn ...
(koncoku) wegah ...!!
(aku) lha ngopo ... poso to ????
(koncoku) ora ...
(aku) lha trus ....
(koncoku) nek koe pengin urip seneng .. koe kudu tau ngrasakke urip rekoso ....
opo meneh nek sing ngekki pangan koe kui justru sing nggawe rekoso dalanmu ...
nek entuk milih ... jan jane jatahkumangan tak kekke wong sing do rebutan lawuh neng kantin sebelah kono kui ....
(aku) ???&*^%$^&^? ra dong kang ... wong dikekki penak kok malah njaluk susah ... piye to kang ...
(koncoku) YO BEEN ... aku ra pengin sedulurku sing lagi susah ... aku malah menakke awak karo wong sing nggawe susah deknen ..... !!!
(aku) woooh ....

Thursday, March 2, 2006

Kado Nggo Koe ....

FUCK YOU ... banget ... goro goro koe .. kabeh dadi rekoso .. ra cah bayi ... wong enom ... wong tuo .. kabeh dadi rekoso ... ngopo to koe ndandak mrene ...ngopo to koe ndadak ngganggu katentremanku karo sedulur2 ku ... goro goro koe aku wis ra percoyo ... aku wis wegah nyedak ... opo meneh ngambu awakmu kui ... huekkk ...

anggere aku nduwe doyo nggo mateni koe .. wis tak pateni ket ndisik koe pas nggawe masalah neng kene ...
koe ki marakke kabeh dadi ra iso ngopo opo ... wong sing ra melu urusan karo koe dadi kepelu pelu ... anyel .. marakke nangis geteh ... markke rekoso saklawase ...
aku dadi ra doyan mangan ... kabeh dadi aras arasen mangan ... nek weruh koe malah dadi nggreges ... gemrebeg .... ra penak blas !!!
wong sing do sugih yo meneng wae .. jan jane nggags tenan po ora to ... ngerti koyo ngono di jarke wae .. mosok yo kudu nekakke dukun santet sak ndunio ...

FUCK YOU ...!!! FUCK YOU !!! ... FUCK YOU FLU BURUNG .... !!! FLU BURUNG ... MINGGATO ... MODARRO KONO !!!

Biasa Wae Lah .....

Ono wong le panas atine goro2 moco tulisan iki .. tapi biasa wae lah ...
Ono wong prengas prenges moco blogku ... tapi biasa wae lah ....
Ono wong sing ra mudeng ukoroku ... tapi biasa wae lah ...
Ono wong sing ngandak ngandakke karo konco2 ne alamat bloggku iki ... tapi biasa wae lah ..

Ono wong sing meh protes karo isi bloggku .. tapi biasa wae lah ....
Ono wong sugih ... sing meh nggawe kasus goro goro bloggku .. tapi biasa wae lah ...
Ono wong sing mutah mutah weruh bloggku ... tapi biasa wae lah ....
Ono wong sing gaweane ngekki komen neng postinganku ... ning biasa wae lah ....
Ono pejabat kantoran sing nesu karo kritikkan bloggku ... ning biasa wae lah ....
Ono wong sing ngasu -ngasuke sing nggawe blogg iki ... ning biasa wae lah ....
Ono wong sing ranggagas blogg iki ... yo biasa wae lah ....
Iki kan gur RANGGAGAS ... :) :) dadi BIASA WAE LAH yo ....

Gaweaaannn ....

ngomong masalah gawean .. aku nduwe pendapat dewe ... ning yo ngono kui mau ... iki gur pendapatku ... seneng ra seneng terserah koe sing moco ... trus sori nek tulisan iki nggawe loro ati koe .. keluargamu utowo konco2 mu ... le jelas iki gur pendapatku ... "RANGGAGAS" koe meh komentar piye yo ....
nek menurutku ono 3 gawean sing paling njinjiki yoiku :

1. Artis (celebritis ) >>
Uanyel tenan karo profesi iki .... nyadar po ora to .. seleb kui sing kudu tanggungjawab karo bejate moral wong indonesia saiki .. sing ngancurke wong enom ... polah tingkahmu neng tv kui gawe ketimpangan sosial sing gede banget ... gawe contoh sing CUIIIH.. banget ....
2. Polisi (Oknum tapi meh kabeh) >>

wah nek iki luih kejem seko rentenir ... koyo koyo iblis bersayap putih ... nyandange sangar .. diwedeni wong okeh .. ning nek pisan priit ... minimal 20 ewu ... opo neh nek nganti digeret neng sel ... yo mayuto yuto ... jan jane koe ki di kon golek penjahat po golek duit to ... mbok nek meh golek duit ngrampok wae ... malah luwih sangar ... ra sah petantang petenteng neng ndalan .. karo golek golek kesalahane wong cilik ... paling buntute yo njaluk duit to ... wuuuu .... kere ........
3. Wakil rakyat ( sing korup .. tapi yo meh kabeh ) >>
Lha nek iki ... kudune wis kecatet neng Guiness Book of Record ... katagori MLM paling suksess sak ndunio .... lha mosok munyuk munyuk sing lungguh neng rumah dinas... neng kursi empuk .. nganggo jas .. safari ... jek iso prengas prenges ...nguntal duit rakyat ... jarenen dari rakyat untuk rakyat .. lha kok duite rakyat .. mbok untal dewe .... wes jan ... tenan wong koyo ngono kui tak dongakke ra iso ngising penak .....

Nek gawean paling mulyo .. tumrapku ono 3 :
1. Ibu Rumah Tanga >>>
wah nek iki gawean paling mulyo sakdunio .. wis ra sah di buktekke karo fakta .. ra ono ukoro nggo ngekki penghargaan karo profesi paling mulyo iki .... mulo berbahagialah koe wong wedok .. sing iso dadi inu rumah tangga .... ngopeni anak bojo karo keluargane ....
2. Guru >>>
wong sing iso koyo ngene iki .. sesuk antri neng sorga nggon ngarep dewe ... ilmu ilmune sing diajarke muride kanthi ikhlas .. bakal ngalahke bunga bank sakdunio ..... mulo nek koe nduwe ilmu ra sah ragu ragu .. ra sah medit go ngajarke neng wong liyo .. nek perlu .. gratis ....
3. Buruh >>>
embuh kui buruh tani .. buruh bangunan .. nelayan opo buruh pabrik (wong produksi) ... kui wong wong sing iso kerjo tenanan .. ra koyo bos bose sing gelem gur penak karo penak ... ra gelem rekoso ... nek keleru sing di sikat anak buahe .. nek pener ... raine di jok jokke ....

Wednesday, March 1, 2006

pilem ....

aku tau nonton film neng tivi ... ning mbuh judule opo ...lali ... le jelas ono adegan sing aku tetep eling lan nggawe penyawanganku neng wong dadi rodo bedo titik ... kui jane film action ... neng kono ono suhu lagi omongan karo murid ... kurang luwihe ngene :
(suhu) Le .. reneo tak kandani ...
(murid) ono opo su ... (suhu.red)
(suhu) .. cobo deloken ... menurutmu iki opo ....
" si suhu ngetokke kertas HVS 80 gr terus nggambar ondol ondol cilik neng tengahe kertas "
(murid) kui ondol ondol su ....
(suhu) yo ngono kui menungso !!!!

(murid) ???&^%$#*?? ... LHA PIYE TO SU ...
(suhu) menungso kui mesti ndelok irenge sik timbangane putihe ... mbokno irenge cilik yo sing di omongke irenge .... aku ki ngeki koe kertas putih ono ondol ondole cilik !! tapi koe gur nyebutke ondol ondol cilike tok ... ra nggagas kertas putihe ....

mudeng ra karepe film kui ... maune aku ra langsung mudeng .. ning mbarang di gagas .. pancen pener ... saiki wong luwih bangga nek ngerti cacate .. cirine ... wadine ... elekke wong liyo ... timbangane opo sing wis dilakokke selama iki ...
opo yo koyo ngono sing jenenge adil ... nduwe salah gur sepele ... jan jane iso didandani ... ning malah nampo hukuman sing ra semestine .... anggere aku eling judul filme kui tak kopy tenan .. tak kekke karo wong sing do rumongso pener kui ... wong sing ra do rumongso salah ... wong sing gur isone nyacat ... wong sing ra ngregani kringete wong liyo ....

nGGlinding wae yo ....

anget yo nek wis koyo ngono ... ketoke aman .. arep piye piye tetep penak ... tapi mengko nek wis melek yo balik dewe dewe .. kudu iso mlaku dewe dewe ... kudu iso survive ...
koyo roda grobag sing ngglinding ... kadang neng dalan alus .. kadang becek kadang nganggo kebanan barang ... pokoke lakune urip kui ra penak karo penak ... mesti ono wayahe wong kudu sabar ... ono wayahe wong kudu nrimo opo sing wis kudu dadi dalane ... ojo sok memvonis nasibe dewe dewe .. koyo koyo koe le ngatur masa depanmu ... kan koe ra ngerti sesuk masa depanmu bakal kepiye ... nek durung durung koe wis nglokro .. yo percuma ... sia sia kabeh opo sing mbok karepke ..

Suepi nyenyet ...

ono wong sing nggolekki sepi .. tapi okeh wong sing njaluk dikancani pas lagi sepi ....
tapi le dadi masalah nek SEPI ATINE ... ketokke nek koe wis ngalami koyo ngene gur ono 2 kemungkinan yoiku :

1. Koe koke'en salah dadi ra nduwe konco .. uripmu sepi ... koncumu kabeh palsu >> nek wis koyo ngene koe kudu ndang ngoco !!! ndang iso menerke awakmu dewe .. ojo nganti koe kokehen salah karo koncomu .. ra sah mbedak mbedakke endi sing kudu dadi konco endi sing kudu mbok adohi ... ra perlu !!
2. Koe wis wayahe nglakoni urip sing anyar ... nek koe durung dw pacar .. ndang golekko yang .. nek perlu sing okeh ... nek wis nduwe .. ndang rabio .. roso koyo ngono wis dadi wajib nek tumrape agomoku !! nek wis nduwe bojo .. ndang nggaweo anak ..

dadi intine sepi ati tetep ono tombone ... kabeh sing nemtokke awake dewe .. tapi Gusti Allah iso paring liyane ...
Nek koe lagi ngroso sepi ra ?? .. nek iyo ra sah gawe rame .. woconen wae blog ku iki .. trus jupuk isine sing apik2 wae :) .. nek ra cocok yo komen wae ...

kabeh kui apik ....

menungso kui gudange salah ... ra ono menungso sing paling pener kecuali utusane Gusti Allah ... menungso wis di kek'i nikmat sing turah turah ... ning ora sitik wong sing gaweane gur ngedumel wae ... koyo koyo ra tau diparingi opo opo ...
jan jane nek koe iso nggedekke roso syukur karo sing Kuoso .. kabeh ki dadi kroso penak ...
Nek jare koncoku sing ra gelem disebutke jenenge ... Gusti Allah kui maringi anugrah sing paling guediii yoiku "Cinta" ... bener banget sih ... mergo roso iki aku iso njedul neng dunia iki .. aku iso kuat nglakoni uripku yo goro goro " cinta " ...

tapi kadang pancen roso iki dadi boomerang nggo lakone awake dewe ... kadang roso iki dadi roso sing paling iso nglarani ati ... mending di kamplengi wong cino ... timbangane loro mergo roso iki .. yo ra ... ??
nek kanggone konco koncoku sing jik singgle .. cinta kui koyo soal CPNS sing bar di garap warikcanggih .. :) .. milih A opo B yo .. C opo D yo .. opo di pilih kabeh ... opo ora kabeh ..Ashhh embuh lah .... dadi bingung ..... ning pesen ku .. nek koe ra siap milih mending pasrahke wae karo Gusti Allah sing bakal ngekki pilihan sing paling apik nggo koe kabeh ... yo apik nggo sing liane .... ra sah cilik ati karo opo opo sing wis dadi kenyataan ... durung karuan opo sing mbok bayangke apik kui bakal dadi apik nggo masa depan mu .. semono ugo sing mbok arani ora apik .. nek dilakoni kanthi ikhlas .. mesti bakal dadi apik nggo kabeh ...
kuncine koe kudu jujur karo atimu dewe ... ra sah perlu ditutup tutupi .. soale opo sing dadi kekurangan go kowe malah iso dadi kelebihan nggo koe .... anggere koe iso jujur lan ikhlas nompo opo sing wis di kek'ke Gust Allah ...

Ngopo Wae Keneng ...

iso mbayangke ra .. wong nek wis ra dikek'i kebebasan ... kebebasan go ngomong ... kebebasan nggo ngrasakke pait legine roso ... kebebasan urip sing lumrah ....
Nek koe ngalami roso koyo ngono .. ndang sadaro .. nek koe ki yo menungso .. sing nduwe hak nglakokke opo wae sian arep mbok lakoni .. wong liyo ra iso ngatur jalan uripmu .. wong liyo gur iso urun rembug ... ra iso njiret koe kon kudu piye piye ...

Pancen koyo ngene ki angel banget ... koe ra iso mlaku sakgeleme dewe .. opo meneh nek koe wis terikat karo sing jenenge birokrasi .. nek koe gelem yo manuto peraturan sing ono .. nek ora ono yo minggato ...
Dadi wong merdeka ketokke dadi impian wong sdunia ... entuk nglakokke opo wae le penting ora ngrugikke wong liyo .. tapi kebebasan koyo ngono neh ora ono neng kenyataan saiki ... paling onone neng kolah ... koe arep njengking arep piye piye ora ono wong sing nggagas ...
Le paling ciloko anggere wong wis nggantungke nasib karo wong liyo .... wong kui ra nduwe doyo nggo tumindak opo opo ... mulo dadi wong .. mbuh lanang mbuh wedok .. kudu sing nduwe doyo .. nduwe doyo linuih dewe dewe ... nek ra koyo ngono .. koe bakal kejiret neng wong liyo .. tur koe kudu manut ra entuk ora ...

kemaki ...+ ndobos...

aku tau jagongan bareng koncoku ... trus critane lagi do ndobos koyo ngene ...
aku takon karo kancaku sing jenenge dian,sastro karo muni ... eh pren .. nek misalke koe nemu lampu ajaibe aladin trus koe entuk njaluk opo wae kekarepanmu ... koe meh njaluk opo ...
(dian) ... aku meh dadi wong sing paling sugih sadunia ..
(aku) lha ngopo ..?
(dian) mengko aku meh nuku pabrik sadunia .. trus tak gawe sistem monopoli nggo rantai perusahaan ku .... trus bar kui aku meh ngancurke usahane bosku ...
(aku) weeeh ... nek soe sas ?

(sastro) aku meh dadi suhune hacker sing ra umum ...
(aku) lha kok iso ?
(sastro) iyo mengko aku ben iso ngehack kabeh perangkat digital sing ono neng ndunia iki .. terutama nggone kabeh sing berhubungan karo nggone bosku ... ben kapok ... ben modar sisan ...
(aku) weeeeh .... lha nek mkoe mun ....
(muni) nek aku pengin dadi paranormal sing sekti mandraguna ...
(aku) wuih sangar ... trus ...
(muni) yo mengko aku iso ngobati penyakite wong sadunio ben mari kabeh .. kecuali 1 ...
(aku) sopo ..?
(muni) bosku .....
(aku) weeehhhh....
(dian-sastro-muni) lha koe opo dhab ....
(aku) gampang .... aku meh mateni bosmu wae ...
(dian-sastro-muni) wedan ... lha ngopo ...
(aku) lha wong jn jane penjalukan mu sing okeh tur umuk kui kan jan jane podo .. gur kepengin modarke juraganmu .... iyo to .. yo wis rasah angel angel dadi dukun po opo ....
(dian-sastro-muni) weeeehhhhh ....

Pornografi

Ndelokke wong saiki marakke ngguyu dewe ... pejabat do upyik dewe dewe nggagas pornografi ... jan jane pinter tenan po keminter to yo ... wong koyo ngono wae ndadak di ributke ... masyarakat ra sah dikandani definis pornografi jane yo wis do mudeng kabeh ... buktine cah bayi bayi saiki wis do koleksi gambar karo film pono neng handpone dewe dewe ...

ra sah di kandani dul !!! wis do mudeng nek pornografi kui dudu seni !! dudu penghargaan terhadap karya imajinasi !! pornografi kui nek wong nyawang trus " Greng .. " yo kui .. ra sah ndelok adegan kasur ... neng pasar neng mall we iso ono pornografi ... kui ra iso di batasi karo undang undang ... opo meneh dilarang .. lha wong pornografi kui sifat menungso sing wis ono ket lair je ...
Saiki nek playboy indonesia dicekal iso wae ... tapi lha wong do iso ngarang cerita porno dewe dewe ... iyo to ... iso do nggawe film durasi pendek dewe dewe ... lha ngono kui ra bakalan iso di batasi .... dari pada mumet mikiri koyo ngono mbok nggo liane ... duite entek nggo rapat DPR ning ra ono hasile .. mbok nggo tuku SGM opo panganan .. trus di kekke neng bayi kurang gizi .. ning yo ra sah nganggo di korupsi ... nek nganti koyo ngono yo wis kiamat wae sisan .. ben rampung ....

HrrgrraaAagghhhh

dadi wong cilik ki ra tau penak ... uripe di tindes karo sing rumongso luwih gedi ... nek nglawan malah di untal .. nek manut keplenet ...

jan jane menungso wis nduwe dalan dewe dewe .. sing saiki ngroso ketulo suk mben Insya Allah bakal dadi wong mulyo .... anggere deweke tetep eling karo gusti Allah ... ben wae wong sing saiki gaweane gur nendang kono nyikut kene .. nguntal kono mateni kene ... ra sah di "sepatani" sesuk wis di booking karo sing njogo neroko ...
Mulo saiki konco koncoku sing dudu "ULO" .. ra sah wedi karo wong wong sing koyo buris rowo ... nek koe ra kuat mbales ngantem .. yo ra sah mbales ... pisuhi wae .. nek ra wani yo nulis blogg koyo ngene ... nek ra iso nggawe blog utawane ra tekan atine yo di dongakke wae .... wong koyo ngono kui bakalan di wales sing Kuoso ... ning yo kui mbok no koe wong cilik ayo podo nggedekke ati .. iman dan takwamu marang sing murbeng dumadi ...

JiamPut-Tut

wis di bayar larang ... ning malah mbubrahke opo opo ... jan jane yo pener ning malah keblinger lha wong neng kene sing digolek dudu wong sing pener ... tapi batur alias babu !!! nek arep pener peneran ora neng kene nggonne ... menungso neng kene kudu ra nduwe rai ... ning kudu nduwe kulit badak sing di templekke neng raine dewe dewe ... nek koe dadi awakmu dewe .. akhire yo koyo aku ngene .. " ketulo -tulo " ..

wong jowo ngomong " jujur kojur " yo ono penere... nek neng kene pancen ra kudu jujur .. tambah pinter koe ngapusi juraganmu .. koe malah aman ... nek koe tumindak opo onone .. sing ono malah "mbededek" karo misuh thok ... trus nek wis ngono sopo sing kudu disalahke .. ora ono to ... lha trus ngopo ndadak ono fuckin HRD .. sing ra ono gunane neng kene ... mbok yo koe podo ndelok .. ngoco sik !!! koe wis mlaku pener rung !!! wong koe dewe yo rung pener wis wani wani mener ke wong liyo ...
Le jelas "PREK" sing mbok kandakke neng outbond ... masalah kejujuran ... masalah topeng .. hubungan kerja .. cuih .... neng kene ra kanggo ... sing kanggo .. koe kudu dadi robot sing isone gur njawab " SIAP F***IN BOSS " .. ngono to ....

ra sreg ... komen bae lah ...