sepatu orthopadi
orthoshoping.com
sepatu untuk koreksi kaki pengkor/ bengkok pada balita
kelainan kaki pada balita
Ads orthoshop
Tuesday, July 2, 2019
Amarga Salah Alamat [Cerkak Basa Jawa Ngokoan]
sepatu orthopadi
orthoshoping.com
sepatu untuk koreksi kaki pengkor/ bengkok pada balita
kelainan kaki pada balita
Ads orthoshop
Amarga Salah Alamat [Cerkak Basa Jawa Ngokoan]
Sawijining sore katon Pras, Yudhi lan Pandu lagi sinau bareng ing teras omahe Pras”
“Eh Yud, yen soal nomer loro iku piye?” pitakone Pandu
“kuwi nganggo cara sing diwarahi Bu Guru mau awan kae lho Pan”
“Oh iya…sing mau digarap Pras ning ngarep kae ya Yud” Pandu katon mudeng sinambi manthuk-manthuk
“yup betul subenar” jawabe Yudi
***
“eh..leren sik cah, iki ono es sirup, ya sepurane wae Ibu lagi tindak ning daleme Budhe dadi ora masak deh, kepeksane banyu wae ora pa pa ya cah heheh” Pras metu saka njero omah sinambi cengar cengir
“wadhuhhh…..iso semaput kaliren ki” Pandu lan Yudhi langsung koor lan ngakak bebarengan
“hmm…dasar bocah-bocah hiperbola kabeh”
***
“kulanuwun, Asalamualaikum mas ” Ujug-ujug wae ono Bapak setengah sepuh wis jumeneng uluk salam ing cedhak teras marai bocah telu padha njenggirat kaget
“Waalaikumsalam Pak” jawabe bocah-bocah
“Enggih Pak, wonten kersa punapa?” pitakone Pras bingung, amarga ndelok baki isi kardus ing tangane bapak kuwi
“punika kula diutus ngaturi dhaharan mas”
“maturnuwun pak” jawabe Pras cekak
“Pareng mas”
“sumangga..ndhereaken”
***
“Wah lumayan ki cah, ayo diserbu bareng-bareng ono kerdusan ki” ajake Pras semangat marang Pandu lan Yudhi
“sik-sik sedhela mas bro….iku bancaan saka endi coba?, mau wis takon durung awakmu” Yudhi rada sujana
“oh iya..koq aku mau ora takon ya?” Pras rada mangu-mangu
“eh tapi mau kan bapake katon yakin leh ngendikan to?berarti wis bener kuwi Pras” Pandu nyoba ngyakinke bocah loro
“ah iya kuwi Pan…yo wis sip Let’s Go Eat!!!!” komandone Pras
***
ing tengah gayenge kembul bujana…
“mas, nuwun sewu….wau kula klentu, jebul dhaharan wau kagem Pak Yitno, sing griyane nomer 12, niki nomer 11 nggih?” jebul bapak setengah sepuh sing ngeteri kerdus bancaan mbalik maneh
“Astaghfirullah pak….pripun niki, lha mpun kula maem bareng rencang-rencang niku” Pras njawab sinambi keselek kanthi praupan pucet
“wah..mboten napa-napa mas, kula ingkang salah wau mboten tanglet rumiyin…nggih sampun kula nyuwun pamit mas, mboten napa-napa mangga diteraske mawon…pareng mas”
“enggg….gih pak” jawabe bocah telu lemes kisinan
sepatu orthopadi
orthoshoping.com
sepatu untuk koreksi kaki pengkor/ bengkok pada balita
kelainan kaki pada balita
Ads orthoshop
Subscribe to:
Post Comments (Atom)
No comments:
Post a Comment
Note: Only a member of this blog may post a comment.