wong jowo

Yen sira kasinungan ngelmu kang marakake akeh wong seneng, aja sira malah rumangsa pinter, jalaran menawa Gusti mundhut bali ngelmu kang marakake sira kaloka iku, sira uga banjur kaya wong sejene, malah bisa aji godhong jati aking.(Bila anda mendapat anugrah ilmu yang membuat banyak orang senang, janganlah kamu merasa pintar, sebab apabila Tuhan mengambil lagi ilmu yang menyebabkan anda terkenal itu, anda akan menjadi orang biasa lagi, malah lebih bermanfaat daun yang kering)

Showing posts with label Imbuhan. Show all posts

Friday, December 28, 2018

Seselan

Seselan yaiku aksara utawa wanda kang dayane ana setengahe tembung. Seselan ing basa jawa iku ana papat yaiku: -um-, -in-, -el-, -er-.

Tuladha:
- titah + -um- = tumitah
- tutuh + -in- = tinutuh
- dewer + -el- = delewer
- cuwil + -er- = ceruwil

Ater Ater

Ater-ater yaiku aksara utawa wanda kang dumunung aneng sangarepe tembung.
Warna-warnaning ater-ater yaiku:

Ater-ater anuswara: an, am, any, ang (m, n, ny, ng)
Tuladha:
- an + tonton = nonton
- am + pinggir = minggir
- any + setor = nyetor
- ang + andhep = ngadhep
Ater-ater tripurusa: dak-, ko-, di-
Tuladha:
- dak + gayuh = dakgayuh
- ko + gawe = kogawe
- di + angkat = diangkat
Ater-ater liyane: a-, ma-, ka-, sa-, pa-, pi-, pra-, kuma-, kapi-, tar-
Tuladha:
akarya, makumpul, katuku, sakantor, pomah, pituduh, pratandha, priagung, kumalancang, kamiseseg, kapiluyu, tarkadhang

Wednesday, December 15, 2010

Rimbag Wasesane

Rimbag wasesane yaiku tembung lingga kang oleh panambang “-an“, wujud wasesane yaiku;

1. Rimbag wasesa –an lingga yaiku tembung lingga kang oleh panambang “-an“

Tuladha:

- tancep + -an = tancepan

- rujak + -an = rujakan

- petung + -an = petungan

- leren + -an = lerenan

2. Rimbag wasesa –an dwilingga yaiku tembung dwilingga kang oleh panambang
“-an”

Tuladha:

- gelis-gelis + -an = gelis-gelisan

- orek-orek + -an = orek-orekan

- jiwit-jiwit + -an = jiwit-jiwitan

- lirik-lirik + -an = lirik-lirikan

3. Rimbag wasesa –an dwipurwa yaiku tembung dwipurwa kang oleh panambang
“-an”

Tuladha:

- lelabuh + -an = lelabuhan

- rerambut + -an = rerambutan

- kekiter + -an = kekiteran

- rerega + -an = reregan

4. Rimbag wasesa –an dwi wasana yaiku tembung dwiwasana kang oleh
panambang “-an”

Tuladha:

- jegagak + -an = jegagakan

- jebablak + -an = jebablakan

- cenunuk + -an = cenunukan

- cengenges + -an = cengengesan

5. Rimbag wasesa –an rangkep yaiku rimbag wasesane kang oleh panambang
“-an” dadi wujude oleh panambang “-an” rangkep.

Tuladha:

- tetuku + -an + -an = tetukunan

- leladi + -an + -an = leladenan

- bali-bali + -an + -an = balen-balenan

- kali-kali + -an + -an = balen-balenan

Rimbag Bawa Ma

Rimbag bawa ma yaiku wawangune tembung andhahan kang kedadean saka tembung lingga kang oleh seselan “-um-“.

Rimbag bawa ma iku ana 3 warna yaiku:

1. Rimbag bawa ma wantah yaiku tembung lingga kang oleh seselan “-um-”

Tuladha:

Sumandhing, tumiba, tumandhang, sumimpang, gumujeng, lan liya-liyane.

2. Rimbag bawa ma tundha yaiku tembung dwilingga, lingga kang keri oleh seselan
“-um-“.

Tuladha:

Sebar-sumebar, tangkar-tumangkar, turun-tumurun, lan liya-liyane.

Bawa ma tundha ngemu surasa tundha-tundha urut-urutan, turun-tumurun,

tegese tundha-tundha tumurun saka wong tuwa marang anak, saka anak

marang putu, saka putu marang buyut lan sapiturute.

3. Rimbag dwilingga bawa ma yaiku tembung dwilingga kang ngarep oleh seselan
“-um-“.

Tuladha:

Tumular-tular, sumambung-sambung, gumandheng-gandheng, lan liya-liyane.

Dwilingga bawa ma ngemu surasa tandah. Tumuylar-tular tegese saka A marang
B, C, D lan sapiturute.

Rimbag Bawa Ha

Rimbag bawa ha yaiku sakabehing tembung lingga kang oleh ater-ater “a-” utawa ater-ater “ma-“ kang nduweni teges nganggo utawa duwe.

Tuladha:

a + sarung = asarung

a + topi = atopi

ma + guru = maguru

ma + gawe = magawe

Rimbag Sambawa

Rimbag sambawa yaiku sakabehing tembung kang oleh panambang “-a, -na,
-ana” kang duwehi teges pangarep-arep, sanajan, mokal, umpama, pangajab.

Tuladha:

- Mbokyo Ella tekaa kene ngono yo atiku seneng banget. (pangarep-arep)

- Kotambanana simbahmu ora bakal mari. (senajan)

- Kowe maneh pintera, wong aku bae ora pinter kok, Mir! (mokal)

- Mangkata dhek mau ora ketelatan bis. (umpama)

- Glundhunga sisan ngono ngepit kok yak-yakan. (pangajab)

Tuesday, December 14, 2010

Ngrimbag

Ngrimbag yaiku ngudhal tembung andhahan kanthi goleki ater-ater, seselan utawa panambah lan linggane.
Tuladha;
1. pakumpulan = pa- + kumpul + -an
2. tinengeran = tenger + -in- + -an
3. daktitipake = dak- + titip + -ake
4. tinembihaken = tebih + -in- + -aken
5. dicedhaki = di- + cedhak + -i
6. panggilingan = pa- + -ang- + giling + -an
7. kalurahan = ka- + lurah + -an
8. njagakake = an +jaga + -ake
9. kojembarake = ko- + jembar + -ake
10. tumempuh = tempuh + -um-

Monday, December 6, 2010

Panambang

Panambang utawa akhiran (sufiks) yaiku imbuhan sing dumunung ing buri tembung. Panulise kudu sumambung rapet karo tembung kang ana ing sisih kiwane (serangkai) lan ora kena kapisah. Panambang ing basa Jawa kayata –i, -a, -e, -en, -an, -na, -ana, -ane, lan –ake.

1. Panambang –i

Panambang –i kang sumambung ing tembung lingga kang pungkasane vokal bakal malih dadi –ni. Ananging yen sing kagandheng kuwi tembung lingga kang wasanane awujud konsonan, panambang –i ajeg utawa ora ana owah-owahan apa-apa.

Tuladha:

Lara + -i à larai à larani

Tamba + -i à tambai à tambani

Pati + -i à patii à pateni

Bali + -i à balii à baleni

Tuku + -i à tukui à tukoni

Antem + -i à antemi

Gebug + -i à gebugi

Jotos + -i à jotosi

Jiwit + -i à jiwiti

Tutup + -i à tutupi

2. Panambang –a

Panambang –a bisa sumambung ing tembung kang wasanane vokal utawa konsonan. Tembung kang diwuwuhi panambang –a, ing panulisan ora ana owah-owahan. Ananging Manawa panambang –a sumambung ing tembung kang wekasane awujud vokal, panambang –a malih dadi ya utawa wa. Sanadyan mangkono, swara y lan w kang muncul ing tembung mau ora perlu katulis.

Tuladha:

Tangi + -a à tangia

Bali + -a à balia

Biru + -a à birua

Gelem + -a à gelema

Takon + -a à takona

Arep + -a à arepa

3. Panambang –e (ipun)

Tembung lingga kang pungkasane awujud vokal lan dipanambangi –e, panambang –e bakal malih dadi –ne. ananging tembung lingga kang wekasane awujud konsonan lan dipanambangi –e, panulise ajeg ora ngalami owah-owahan apa-apa.

Dara + -e à darae à darane

Pari + -e à parie à parine

Tahu + -e à tahue à tahune

Sate + -e à satee à sateen

Kebo + -e à keboe à kebone

Joged + -e à jogede

Pacul + -e à pacule

Wajik + -e à wajike

Ilang + -e à ilange

Siwur + -e à siwure

4. Panambang –en

Panambang –en bisa sumambung ing tembung lingga kang wekasane vokal utawa konsonan.

Tuladha:

Suduk + -en à suduken Tutup + -en à tutupen

Cuwil + -en à cuwilen Jawil + -en à jawilen

5.Panambang –an

Panambang –an bisa sumambung ing tembung lingga kang wekasane vokal utawa konsonan.

Tuladha:

Joged + -an à jogedan jaran + -an à jaranan

Lemes + -an à lemesan pacul + -an à paculan

6. Panambang –na

Panambang –na yen sumambung ing tembung lingga kang awasana konsonan, panambang –na ora owah. Ananging yen tembung lingga kang wekasane awujud vokal lan kawuwuhi panambang –na, panambang –na malih dadi –kna.

Tuladha:

Lungguh + -na à lungguhna jupuk + -na à jupukna

Jiwit + -na à jiwitna ulung + -na àulungna

Kandha + -na à kandhana à kandhakna

Sewa + -na à sewana à sewakna

Turu + -na à turuna à turokna

Gedhe + -na à gedhena à gedhekna

7. Panambang –ana

Yen tembung lingga kang wekasane awujud vokal utawa wanda menga lan tembung iku kawuwuhi panambang –ana, panambang –ana malih dadi –nana. Ananging yen tembung lingga kasebut pungkasane awujud konsonan utawa wanda sigeg lan tembung iku kawuwuhi panambang –ana, panambang –ana ora owah.

Tuladha:

Kandha + -ana à kandhaana à kandhanana

Kanca + -ana à kancanana à kancanana

Tali + -ana à taliana à talinana

Isi + -ana à isiana à isinana

Tuku + -ana àtukuana à tukunana

Raup + -ana à raupana

Adus + -ana à adusana

Wisuh + -ana à wisuhana

Tinggal + -ana à tinggalana

Tulung + -ana à tulungana

8. Panambang –ane

Panambang –ane bisa sumambung ing tembung lingga kang wekasane awujud vokal utawa konsonan. Tembung lingga awasana vokal yen kawuwuhi panambang –ane, panambang –ane malih dadi –nane. Ananging yen ana tembung lingga kang wekasane konsonan diwuwuhi panambang –ane, panambang –ane ora ana owah-owahan.

Tuladha:

Tamba + -ane à tambaane à tambanana

Sapu + -ane à sapuane à saponana

Kendho + -ane à kendhoane à kendhonane

Gebug + -ane à gebugane

Keplak + -ane à keplakane

Tulis + -ane à tulisane

9. Panambang –ake (-aken)

Panambang –ake ing basa karma malih dadi –aken. Tembung lingga kang awujud vokal lan dipanambangi –ake bakal malih dadi –kake. Ananging tembung lingga kang wekasane awujud konsonan lan dipanambangi –ake, panulise ajeg ora ngalami owah-owahan apa-apa.

Tuladha:

Kendho + -ake à kendhoake à kendhokake

Gawa + -ake à gawaake à gawakake

Turu + -ake à turuake à turokake

Utang + -ake à utangake

Keplak + -ake à keplakake

Tulis + -ake à tulisake

Saturday, December 4, 2010

Rimbag Rangkepan

Rimbag rangkepan ana telung werna, yaiku rimbag dwipurwa, dwilingga lan dwiwasana.
Rimbag Dwipurwa

Rimbag dwipurwa iku wewangunaning tembung andhahan sing kedadeyan

saka tembung lingga kang wandane wiwitan dirangkep.

Umpamane:

a. Ateges nganggo : kekudhung, pepayung

b. Ateges sing dianggep : lelurah, sesepuh

c. Ateges kabeh sing : pepeteng, reruwet

d. Ateges ora gumathok : tetuku, sesuluh, tetiga

Rimbag Dwilingga
Rimbag dwilingga iku warna-warna wujude, yaiku:

a. Dwilingga Wantah

Dwilingga wantah Yaiku dwilingga kang dumadine mung sarana karangkep tembunge bae tanpa owah-owahan.

Tuladha:

- Bocah-bocah

- Mangan-mangan

- Mbalang-mbalang

- Weruh-weruh

b. Dwilingga Salin Swara

Dwilingga salin swara yaiku dwilingga kang dumadine sarana ngowahi:

1. Swaraning tembunge kang ngarep.

Tuladha:

Sapa : sopa-sapa

Sendhen : sendhan-shenden

Bali : bola-bali

2. Swaraning tembunge kang mburi.

Tuladha:

Pindhah : pindhah-pindheh

Kembang : kembang-kembeng

Slendhang : slendhang-slendheng

3. Swaraning tembunge loro pisan ngarep lan mburi.

Madhang : modhang-medheng

Gonjing : gonjang-ganjing

Cempreng : comprang-campreng

c. Dwilingga Semu

Dwilingga semu yaiku kang wujude kaya dwilingga ananging ora ana linggane.

Tuladha:

Kolang-kaling ondhang-andheng alun-alun

Andheng-andheng ula-ula ugel-ugel

Camboran tunggal yen digawe dwilingga, karangkep kabeh.

Tuladha:

Semar mendem : semar mendem-semar mendem

Parang rusak : parang rusak-parang rusak

Camboran wudhar yen digawe dwilingga, kang karangkep tembunge kang ngarep.

Tuladha:

Pager wesi : pager-pager wesi

Gudhang kopi : gudhang-gudhang kopi

Tembung andhahan kang luwih saka rong wanda yen karangkep mung di cekak:

Tuladha:

Tineter : tineter-teter

Saolehe : saoleh-olehe

Tumimbal : tumimbal-timbal

Tembung lingga kang ole ater-ater anuswara didwilinggakake:

Tuladha:

Njupuk : njupuk-njupuk

Nulis : nulis-nulis

Mbalang : mbalang-mbalang

Ngukur : ngukur-ngukur

Rimbag Dwiwasana

Rimbag Dwiwasana iku dumadine saka tembung rong wanda kang karangkep wandane pungkasan kaucapake kaping pindho, wandane kapisan swara e (pepet).

Yen wandane wekasan sigeg, sesigeke dibuwang dhisik.

Tuladha:

Cenges //ce-nges-nges : Cengenges

Celuk //ce-luk-luk : celuluk

Jegik //je-gik-gik : jegigik

Yen wandane kang kapindho sandhangan cakra utawa keret, yen diseselake cakra lan kerete ilang.

Jegreg //je-greg-greg : jegegreg

Cekruk //ce-kruk-kruk : cekukruk

Tuesday, November 30, 2010

Wuwuhan (Tambahan)

Wuwuhan iku kaperang ana 3 (telung) warna yaiku:
1. Ater-ater
   Ater-ater yaiku aksara utawa wanda kang dumunung aneng sangarepe
   tembung.
   Warna-warnaning ater-ater yaiku:
   a. Ater-ater anuswara: an, am, any, ang (m, n, ny, ng)
   Tuladha:
   - an + tonton = nonton
   - am + pinggir = minggir
   - any + setor = nyetor
   - ang + andhep = ngadhep
   b. Ater-ater tripurusa: dak-, ko-, di-
   Tuladha:
   - dak + gayuh = dakgayuh
   - ko + gawe = kogawe
   - di + angkat = diangkat
   c. Ater-ater liyane: a-, ma-, ka-, sa-, pa-, pi-, pra-, kuma-, kapi-, tar-
   Tuladha:
   akarya, makumpul, katuku, sakantor, pomah, pituduh, pratandha,
   priagung, kumalancang, kamiseseg, kapiluyu, tarkadhang
2. Seselan
   Seselan yaiku aksara utawa wanda kang dayane ana setengahe tembung.
   Seselan ing basa jawa iku ana papat yaiku: -um-, -in-, -el-, -er-
   Tuladha:
   - titah + -um- = tumitah
   - tutuh + -in- = tinutuh
   - dewer + -el- = delewer
   - cuwil + -er- = ceruwil
3. Panambang
   Panambang yaiku aksara utawa wanda kang mapan ing samburine
   tembung. Dene wujude panambang: -i, -ake, -ne, -e, -a, -ana, -ku,
   -mu, -en. Kajaba saka iku isih akeh panambang saka basa manca
   kayata man, wan, wati, isme.
   Tuladha:
   milihi, nitipake, nukokake, kabare, mikira, tutupana, ibuku, sapimu,
   tebasen, seniman, sastrawan, seniwati, sosialis, kapilaisme
   Katrangan:
   1. Wanda yaiku kumpulan aksara sing wujude swara sakecap,
   (basa Indonesia: suku kata)
   2. Aksara ana werna loro yaiku:
   a. aksara urip (vokal): a, i, u, e, o
   b. aksara mati (konsonan): b, c, e, f, g, h, j, k, l,m, n, p lan liya-liyane

wong jowo

Friday, December 28, 2018

Seselan

Ater Ater

Wednesday, December 15, 2010

Rimbag Wasesane

Rimbag Bawa Ma

Rimbag Bawa Ha

Rimbag Sambawa

Tuesday, December 14, 2010

Ngrimbag

Monday, December 6, 2010

Panambang

Saturday, December 4, 2010

Rimbag Rangkepan

Tuesday, November 30, 2010

Wuwuhan (Tambahan)

Flickr Images

Like us on Facebook