wong jowo

Yen sira kasinungan ngelmu kang marakake akeh wong seneng, aja sira malah rumangsa pinter, jalaran menawa Gusti mundhut bali ngelmu kang marakake sira kaloka iku, sira uga banjur kaya wong sejene, malah bisa aji godhong jati aking.(Bila anda mendapat anugrah ilmu yang membuat banyak orang senang, janganlah kamu merasa pintar, sebab apabila Tuhan mengambil lagi ilmu yang menyebabkan anda terkenal itu, anda akan menjadi orang biasa lagi, malah lebih bermanfaat daun yang kering)

Showing posts with label Kahanan. Show all posts

Tuesday, February 15, 2011

brutu

Umpamane saya entuk milih kuliner apa sing bakal takmangsa sesuk esuk, mesti wae ingkung pitik sing nomer siji.

Ingkung pitik kampung sing wis babon ning ora pati tuwa.

Dudu pitik kampung sing isih dara, soale nek isih dara iwake kurang ndaging.umpamane kepepet pitik kampung jago ya ra masalah.

Pitik kampung babon memang dadi kareman saya, ndaging, syukur2 ana uritane, dipangan nganggo sega anget ditambahi sambel bawang, wis nganti gembrobyos jidat saya, iso tanduk rong piring sekali nguntal.

Wektu ibu saya masih sugeng, saben mbeleh pitik terus dimasak opor ataupun digoreng,

gandeng saya ini anggota keluarga paling cilik ,mulane bagian sing sering dadi jatah saya ya pupu satu set sama cakare , nek lagi beruntung iso entuk endas sak gulune nganti tuntas mbukak polone pitik.Lha potongan liyane wis diklaim buat mas-mas saya.

Jare ngendikane ibu kudu kerep mangan cakar ben iso ceceker suk tembe mburine, saya ya manut lan seneng2 wae, iso nglamuti cakar nganti balunge resik mulus.

Tekan rada gede baru saya ngerti nek miturut mazab tradisi kami , potongan ayam sing paling duwur level kelezatane kuwi jebul bukan pupu ( apa maneh cakar ),tepong,sewiwi ataupun dada menthok,

ning justru body paling mburi dari ayam, bagian sing wektu isih urip malah dadi dalan reget dari ayam, saluran metune endog,telek lan persetubuhan yaiku brutu.

Daginge paling empuk dan gurih.

Ana sisi kelezatan sekaligus sensasi sensualitas, merga neng brutu lah kelestarian keturunan ayam dibuat, neng brutu juga orgasme babon lan jago terjadi, bukankah seksualitas adalah kenikmatan sing paling hakiki neng ndonya iki?.

Brutu dadi hak ekslusive orang2 dewasa, tingkat senioritas neng ngomah bakal menentukan sapa sing menikmati brutu ayam iki.

Buat bocah2 ingusan kayak saya wektu itu cukup diapusi “ nek isih cilik mangan brutu iso marai lali “.

Nasehat sing cukup ampuh untuk memupus sekaligus melupakan keinginan ngrasak-e gurih-e brutu.

Bareng wis tuwa kaya saiki, saya nggathuk-nggathuk-e antarane mangan brutu karo kasunyatan sing ana.

Kasunyatan sing tuwuh saka akehe priyayi-priyayi pinter sing seneng aweh pitutur lan ular ular kanggo wong-wong bodo kayak saya ini.

Pirang iji priyayi pinter sing produktif banget menehi komentar nasehat sing ana gandeng cenenge karo kedadean saiki.

Ngomentari soal lombok sing larang, ngomentari angkutan umum sing suk-sukan, ngomentari soal negara liya sing luwih makmur lan liya liyane.

Akeh komentar lan nasehat sing apik, ning ya ora sithik nasehat2 sing rada angel buat otak saya ngerti.

Liya dina priyayi pinter rencang saya paring komentar menawa bangsa kita ini ndak bisa disiplin, buktine tuku tiket nganti mlebu angkutan ekonomi wae susah diatur antriane.

Manthuk2 saya nyimak komentare,sekalian isin wong itu juga termasuk saya je.

Mung saya ya mbatin, umpamane ora berjuang rebutan tiket lan uyel-uyelan mlebu angkutan ekonomi ngono, apa ya ana jaminan wong2 cilik kayak saya iki bakal keangkut ?

wong mung angkutan kuwi sing tersedia buat kawula sing kantonge cekak .

Nek kaya sampeyan ngono ya tenang2 wae wong nek lelungan dibayari kantor kok.

Malah wingi priyayi pinter iki ngendikane atos, kebak emosi merga ana sedulur2 sing ngamuk nganti gawe rusak :

“ kae wong-wong sing ora nganggo nalar, senenge mung nesu,ora duwe nurani ,kudu dibasmi, ngrusak citrane Kanjeng Nabi “.

Rada ndredeg saya krungu pangucape, wis jan medeni tenan olehe nesu.meh kaya batara wisnu triwikrama dadi buta.

wis takniyati tinggalmulih wae, terus nal nul – nal nul saya sms ibune bocah2 :” bu, ndara kanjeng nesu-nesu merga kanca-kanca kae gampang nesu “,

kok ya ibune ndadak mbalesi : “ oh ndara kanjeng melu nesu ya ?” untunge priyayi pinter mau ora maca sms-e ibune bocah2 ,iso blaik tenan saya nanti nek diwaca.

Tekan ngomah durung sempat saya neruske piwulange ndara kanjeng mau,ibune wis ngomong :” wis to pak rasah digagas, wong semakin sering sampeyan menehi nasehat, semakin angel sampeyan dinasehati lan semakin gampang sampeyan lali “

Nganti dina iki saya sok-sok ngira-ira : “ apa ndara kanjeng priyayi pinter kae mbiyene kakean dahar brutu pa ya ? “

Jangan jangan istri saya benar ya “ semakin sering kita memberi nasehat, semakin susah kita dinasehati, dan semakin mudah lupa “

salam

kerepalur

Wednesday, January 14, 2009

masa lalu

Senajan wis suwe ora nate ketemu, mbuh kepiye sepertinya sok-sok neng jroning ati saya ana rasa was-was, gek-gek mengko ketemu neng ndalan.
Walaupun wis terbukti nek selama pirang-pirang tahun ini aku ndak pernah weruh ,
dan memang apa sing saya khawatirkan juga durung pernah terjadi, ketemu sama wong sing mbiyen wis tau dadi kembange ati,
sakdurunge jejodoan sama ibune bocah-bocah, ning kok ya rasa kuatir itu ora gampang ilang.

Itu memang salah sijine ekses nek pacaran sama tangga sing ndak hepi ending, kudu pisah neng tengah ndalan.
Merga mung sama tangga , merga omahe cedhak ,walaupun wis pisah tapi isih ana kemungkinan ketemu. Isih ana memori sing gampang muncul meneh.

Mungkin sampeyan nganggep saya ndak dewasa, ndak matang, wong mung ketemu sama mantan pacar wae kok wedi, ora jantan babarblas, itu tak akoni mas, ora selak saya mas.

Entah kenapa mesti ana rasa ora karu-karuan nek saya dolan ke famili sing cerak omahe mantan pacar, kikuk rasane apameneh nek ada ibune bocah-bocah.
Wedi saya mbayangke umpama pas sama ibune bocah-bocah njur kepethuk karo tilas pacar mbiyen, wih bakalan isin tenan saya sama istri, iso salah tingkah.

Suwe saya mikir lan ngrasakke betapa kadang saya ndak brani ngeling-eling nostalgia dan kisah sing wis mbiyen.
Seolah itu sesuatu sing kudu takdelikke, mesti taksimpen,supaya rasa was-was dan rasa kuatir itu ndak perlu saya hadapi.

Memang wis dadi kenyataaan nek saben uwong duwe jejak urip sing beraneka warna, sing kadang iso adoh bedane sama sing saiki neng ngarep mata.
Ana masa lalu sing mungkin lucu kanggo dikenang, ana masa lalu sing mungkin gawe bangga kita buat mengenangnya, tentunya juga ora sithik sing duwe masa lalu yang ngisin-ngisini.

Sebagian masa lalu percintaan saya bisa jadi bukan kisah sing membanggakan buat dicritake, dan itu membuat saya kadang dikejar rasa kikuk .
Isin nek mengko dinyek sama wong liya, isin nek mengko diledek sama istri, isin dan sok malah wedi mbok menawa ana sing ora trima sama kejadian masa lalu itu.

Rapet banget saya coba menyimpan kenangan itu, supaya ndak banyak lagi sing ngerti, ning semakin dibebani lan dioyak-oyak rasane perasaan ini.

Saya dadi ngira-ira, nek saya sing mung duwe kenangan kasih tak sampai wae bisa punya rasa takut, iso duwe kekuatiran dan sok-sok dadi was-was, wedi nek mengko ana sing ngumbar kabar lan ngungkit-ungkit, gek kepiye rasane sedulur-sedulur saya sing punya masa lalu luwih kelam tinimbang saya.

Ora sithik sedulur saya sing duwe masalalu sing ora nyenengke.
Gusti Pengeran memang nyipta dalan urip uwong sing kadang angel dipahami, sok-sok malah kaya ora adil.

Ana sing kawit bayi indil-indil wis rekasa, wong tuwane mlarat rat, malah kadang luwih cilaka meneh, wis mlarat, seneng main, ngombe ciu,wis pokokke ora ana apik-apike babar blas.
Sekolah direwangi gresek, kudu gemi lan setiti . urip neng lingkungan sing adoh saka teladan sing iso dicontoh.
Neng pergaulan kadang disingkiri karo kanca.
Nek ora ngati-ati salah bergaul malah mlebu kunjara.
Abot tenan urip sing kudu disangga.

Slaman-slumun mensiasati kesulitan sing ana , pas wis dewasa iso sukses.
Kadang bangga crita kesulitane mbiyen, ning ya akeh sing isin tenan nek nganti wong liya ngerti riwayat uripe.
Isin nek jebule mung anakke wong ra nduwe,
Isin nek tibake nduwe sedulur wong sekeng.

Malah nganti ana sing goroh ora ngakoni asale, ara gelem nek disangkutpautke karo daerahe, berusaha nutup rapet sejarahe mbiyen.
Ibarat langkahe sikil , wis bener-bener ninggalke masa lalune, emoh ngomong nganggo basa lan logat daerahe, sama sekali nglalekke sama tradisi ,merga iso ngelingke karo jaman susah mbiyen, merga marai kelangan gengsi.

Nah beban masa lalu sing disandang dadi tambah abot juga amarga kondisi lingkungane sing anyar.
Lingkungan sing ora iso nampa kekurangan.
Lingkungan sing terlalu ngujo gengsi sesaat.
Bakalan tambah adoh, mlayu menyangkal sejarahe.

Umpamane saya lan sampeyan iso membuat bangga wong liya atas masa lalunya.
Umpamane saya lan sampeyan iso nampa masa lalune wong liya , sebagai sesuatu sing lumrah.
Umpamane saya lan sampeyan iso ndisikki jujur sama masa lalu lan mengenangnya sebagai karunia Gusti Pengeran sing kudu disyukuri.

Mestine rasa kangen sama sedulur lan kanca jaman mbiyen bakal tansah cemantel neng ati.

Ning ya sampai saiki saya tetep durung bisa ngilangi rasa kikuk lan was-was nek ketemu bekas pacar.
Apamaneh nek ana istri saya.

salam

yayon-kerepalur

Friday, October 24, 2008

ndok erok

Nek ndelok apa sing ana di sekitar saya saiki, sok-sok ya ngguyokake.
Pripun mboten lucu to mas, jaman saiki ini lak nggolek informasi apa wae saya gampang.
Arep pengin ngerti berita kriminal neng tv,koran akeh banget, iseng2 nggolek gosip selingkuhe artis apa pejabat sak ombyokan,
sambil delikan iso nonton gambar-gambar lher neng internet,
dan di saat sunyi sepi iso nyetel filem xxx sambil ngampet-ampet sirah sing meh jebol angane.
Dus sakjane pengetahuan ataupun info apa wae wis cemepak neng ngarepe dewe,
tinggal sing arep dijukuk sing endi, kari milih thok.

Wis dadi sifat dasare orang tentunya hal-hal sing berada diluar cenderung lebih menarik, luwih nyedhot perhatian kita.

Ya gampangane nek kelas ndesit kaya saya ini gebyare kota memang sangat terasa mengundang rasa pengin tahune saya.
Pengin ngerti kemajuane kutha, pengin weruh gaya uripe wong kutha, kemecer iso niru nyandang penganggone wong modern.

Neng mall jajan fret ciken ( jebule mung pitik goreng diglepungi ), mangan pitsa,
tuku klambi sing sesak methet-methet,
nganggo clana mlotrok nganti kethok sigarane bokong.
Omongane soal musik, soal bandne cah enom atawa artis2 sing lagi ngetren,
apamaneh artis sinetron wis bener2 dadi kiblat urip.
Meh kabeh sing ana neng sekitare serba gampang, serba cepet serba instan.
Arep mangan iwak pitik, mak wus wis cemepak neng piring, ora sah angel2 mbeleh pitik,
mbubuti dewe , kuna mas.
Ngersake dahar bakmi,ana mi instan , geri dicuri banyu panas.

Kanggone cah kutha atawa wong modern , apa sing tersaji neng atmosfer kutha itu memang cocok dan pas sama cara uripe.
Pas sama selerane, pas sama apa sing dicita-citakan.

Cuman nek buat wong nggunung kayak saya ya ora cocok.
Wong awit cilik ndak terbiasa akrap sama cara hidup kayak gitu kok.
Dikon ngrasakke fret ciken ya rasane sepoh, mblenger rasa motone ( vetsin ) gurih-e ndak semanteb nek mbeleh dewe pitik kampung.

Meski pakane pitik kampung mung turahan sing ada di tempat sampah,
ning iwake luwih lezat dibanding pitik potong sing pakane konsentrat gawean pabrik.

Nah sing kadang sing marahi kaget saya, tibake dibalik gempitanya uripe wong kutha,
ternyata akeh barang sepele sing ndak dingerteni.
Dadi nek krungu komentar atau pitakone wong mau saya sok dadi ngekek dalam ati.

Wis tahu lho mas, ibune bocah-bocah sing klahiran pulo gadung bingung wong atase pari kok di obong ,
wektu lihat orang mbakar bata pakai rambut ( sekam padi ) neng pinggir dalan mbanjarnegara kana.
Dasar cah wedok ngertine mall thok, kulit pari kok dikira pari, gemblung tenan.
Luwih bingung meneh dia wektu tak ajak neng pasar kewan muntilan,
ora iso mbedake menthok sama bebek,
apa meneh nek ditakoni bedane bebek lanang karo wedok , plonga-plongo thok.

Nek sekarang yo wis rada ngerti, sak ploke saya ajak nonton kirab suro,
saiki ibune bocah-bocah wis ngerti nek kebo kuwi ora pada karo sapi.

Temen saya sing asli jakarta bingung mana sing wit jagung, mana sing wit tebu.
tambah bingung meneh nek weruh wong ngarit suket gajah,
dikiro tebu isih cilik kok wis dipotong.

Untunge sejak neng solo keterasingan budaya istri saya ndak menular ke bocah-bocah,
dadi anak-anak saya luwih kenal lingkungan timbang wektu di jakarta.
Kekhawatiran saya nek bocah-bocah ndak punya logika analogi alami rada berkurang,
ndak seperti iklan susu anak-anak sing saya liat neng tv :

“ ada binatang milip kapal telbang “,

saking ora tahu weruh ndok erok ( capung ),
ngertine dolanan pesawat sing ana neng toko, weruh pisan kok disamakan montor mabur.

Ndok erok wae ra ngerti, apameneh orong-orong,gangsir babarblas mesti ora tau weruh.

Ndek mbiyen saat isih cilik ,saya dijak bapak dolan neng panasan, nonton montor mabur .
Neng njero ati saya mbatin :
“ wow tibake montor mabur ki kaya ndok erok tho “.

salam

Thursday, October 9, 2008

mulur - mlungkret

Sok-sok saya ini juga mikir2 lho,ngrasake apa sing sempat mampir neng benak saya.
sekian waktu berlalu saya kok meh tekan pada kesimpulan nek utek saya ini memang utekke wong pekok.
Utek saya bukanlah tipikal utek sing dengan gampang mak jreng nyerot ilmu-ilmu baru.wis akeh buku sing takwaca ning malah makin mbuat saya lupa, berkali-kali melu ngrungoke para wasis terkenal medhar piwulang dengan smangat bergelora dan meh mirip pertunjukan,kok ya cuman sithik banget sing nyanthel mrasuk jroning utek saya.
Wong dasare utek nggunung sing biasa nganggo ngilmu titen, nek diajari nganggo metode presentasi, babarblas ora teyeng buat mengolahnya.
Wong pernah kok teman saya nganti gembrobyos nerangke ngilmu teori priramida kebutuhan maslow ke saya, mbolak-mbalik nganti ngecuprus ndakik-ndakik dia nerangkan.kok ya saya tetep isih ora mudeng.Nganti judeg dia ( malah mungkin jroning atine dia mungkin ngeluh “ duh gusti jaman saiki kok isih ana wong goblok kaya ngene to ).
Lha pripun to mas, wong atase kawruh dasar soal kebutuhan wae kok yo saya ini ndak kenal, gek piye olehe iso mlebu kawruh2 lanjutane.
Ndilalah kok temen saya kuwi ya mletik,pikirane rada lantip tenan,
“Ngene mas, nek sampeyan esuk2 duwe duit rongpuluh ewu,apa sing pertama sampeyan tuku?” ,
nek ini saya bisa njawab “tuku sego tumpang nggo sarapan”
“nek isih ana susuke,arep sampeyan nggo tuku apa”
“ bar, mangan tumpang paling enak trus ngrokok,tuku gudang garem filter”
“lha kuwi lho mas, bar entuk sego tumpang kok sampeyan tukune rokok? Kok ora tuku sego tumpang meneh?,kuwi merga kebutuhan sampeyan nggo sarapan wis terpenuhi,sampeyan nduwe kebutuhan lanjut,Ngono kuwi sakteruse, kebutuhan sampeyan bakalan ana terus ,iku karepe maslow”

Walah, kayak gitu tho.
Gandrik anak putune Ki Ageng Selo.
Nek kaya ngono aku ngerti mas,kuwi rak kaya ngendikane suwargi Ki Ageng Suryamentaram mulur mlungkret mas, pepinginan wong urip kuwi mulur mlungkret. Nek sampeyan iso nuruti pepenginan sing ana,pepenginan mau bakal mulur nambah dawa, bakal tambah akeh secara kualitatif ataupun kuantitatif, kosok baline nek sampeyan ora iso nuruti pepinginan mau, kok ya pepenginan mau bakal menyesuaikan, bakal mlungkret,suda atawa berkurang.
Jebule maslow ki karo suwargi Ki Ageng Suryomentaram kok yo nyambung ya.
Buat utek ndesit kayak saya ini tentunya lebih gampang memahami mulur mlungkret suwargi Ki Ageng Suryomentaram, wong mulur mlungkret itukan ngilmune enthung,wis apal sejak saya masih indil-indil.

Sampeyan mungkin ngarani nek utek saya itu termasuk kelas lokal banget, ora payu buat urip di jaman serba global gini.
Jaman serba ribet, kebak tetek bengek sing ndak bakalan bisa saya pahami.
Ning kadang ada sing terlewatkan dari kenyataan neng sekitare sampeyan.
Bisa jadi kebanyakan sedulur-sedulur kita itu berada pada kondisi seperti saya.
Punya corak pikir yg mugkin sangat lokal banget, pola pikir sing tumbuh berdasar ngilmu titen, berdasar interaksi yg alami dengan lingkungan, berdasar kepolosan melihat segala hal dan mencoba menjadi bagian dari kesejatian pesrawungan tanpa pernah bermimpi menjadi dominan.
Memahami perbedaan sebagai kenyataan sing lumrah tanpa harus bersitegang, sok menggurui orang agar menerima perbedaan.
Sabar lan lembah manahe pol mas, konsep menang-kalahe bakalan mbingungke sampeyan.
Wong kira-kira sampeyan midak sikile wae, malah deweke sing minta maaf kok mas.
Sampeyan ndak bisa narik kesimpulan cuman saka jawaban sing diucapke, kudu mirsani ekspresi roman wajahe, intonasi ataupun kerlingan netrane mas.
dadi nek piyambake njawab " iya pak " aja seneng disik mas, bisa jadi itu artine " mungkin"
nek njawab "mungkin pak" sok-sok tegese " ora lho pak ".
lha nek sampeyan dijawab "mboten", mestine sampeyan kudu intropeksi mas.

Nah sebaliknya,
wis sering tataran ngilmu sing duwur justru membuat kita jadi wong aneh,dadi wong sing terasing saka lingkungan, dadi orang yg tak mudah dipahami dan memahami sesamanya.
Tutur kata kita malah dadi mbingungke,pembicaraan kita dadi adoh saka persoalan-persoalan urip.
Ibarate ana wong ngelih,luwe banget,sampeyan mung presentasi resep masakan terus.ndak bikin kenyang mas.

Coba sampeyan penggalih,bolak-balik neng tv wong-wong pinter ngomong soal konsep pembangunan,konsep politik,konsep ekonomi pokok penuh dgn slogan-slogan .kecam sana-kecam sini, wong nyatane tuku lengo kudu antri,panen pari gagal,petani diapusi.Wis kakehan wong pinter malah dadi mbingungke.

Nyatane makin pinter ngilmu kita, tambah keminter,makin jeli juga kita nyari kekurangan dan kesalahan wong liya.

Gek-gek pengetahuan sekolahan memang ndak ngajari cara niteni kebaikan orang lain ya ?.

Salam

yayon-kerepalur

Tuesday, July 15, 2008

berubah

Nek sampeyan sempat mirsani jaman 20 tahun kepungkur tentunya ngrasake kalau bedane sama sekarang wis akeh banget.
Sing gampang dititeni dari jenis maupun judul lagu wae wis adoh.Mbiyen lagune sing ngarang bangsane Pak Rinto sama Ariyanto , terus Obie Mesakh misale.
Temane ttg cinta sing mendayu2 saiki sing nyanyi wis akeh lagune ya rada asing buat angkatan kayak saya ini.
Sing pasti perjalanane betara kala sing sudah saya ikuti memang ketok nek perubahan uwis terjadi lan arep terus terjadi.entah itu perubahan sing nyenengke ataupun tidak.
Dulu adalah jamane blue filem saiki wong nyebute bokep, iso model vcd,dvd ataupun rekaman hp.Jaman saiki sing blue ora mung filem tapi macem2 ana blue ocean,blue energy,blue gas dan blue bird.
Bisa jadi perubahan ini menguntungkan kita karena sesuai sama ide atawa pola pikir-pola kebiasaan juga tradisi dan religi kita, ning ndak jarang perubahan itu bisa ngrugikan kita karena mungkin kita ndak bisa ngikuti perubahan itu atau bisa karena perubahan itu ndak sesuai sama krentege ati kita.
Sok-sok perubahan itu terjadi begitu cepat dan besar me-meh kayak revolusi gitu, nek kita ndak siap ya kelibas.
Di setiap perubahan besar mesti arep nglahirke tokoh sejarah, meskipun ana sing ngomong nek tokoh sejarahlah sing nggawe perubahan.
Akeh tokoh sejarah sing memang bikin perubahan dramatis dan revolusioner neng masyarakat, bahkan mungkin neng sekitare awake dewe sok-sok ora kepikir nek ana tokoh sing sakjane wis dadi pahlawan tanpa dingerteni liyane.
Pada dasare saben pahlawan mesti nduweni niat sing apik kanggo nggayuh cita2 sing luhur, mbuh kuwi pengin masyarakate nduwe cekelan aturan hukum, pengin rakyate luweh sejahtera, pengin ngilangi politik buto2 sing dadi penindas, pengin negakke suarane rakyat.
Dalam konteks sing luwih cilik akeh pahlawan2 mau sing berjuang neng level rumah tangga, level kelurahan ataupun kecamatan, level organisasi maupun perusahaan.
Dus ana pahlawan sing berjuang supaya organisasine maju, ana sing tujuane supaya perusahaane berkembang kanti bathi sing akeh
Nek arah lan perjuangan tokoh pahlawan mau iso nyambung sama pemahaman lingkungane, wis tokoh mau iso dadi panutan malah sok-sok dipuja-puja kaya satria titisane dewa. Kabeh omongan ataupun tindakane bakal diiyani lan dipercaya banget.
Pengikute cenderung dadi fanatik, pokoke apapun sing mambu2 pemimpine kuwi mesti bener lan apik.
Lha nek situasine wis terjadi hubungan fanatis dan ngultuske individu pemimpine kayak gitu, jangan harap sampeyan bisa punya pendapat ataupun ide sing berbeda, bakalan diinjek sampeyan.Nek istilahe jaman mbiyen : ndak sesuai sama arahan pemimpin besar revolusi.
Situasi ini bisa makin memburuk, ketika pendapat pemimpin ataupun bos itu dijadikan ukuran kebenaran, wah tambah runyam mas.
Hal lain yang kadang ndak sempat diperhatikan adalah dalam setiap gerak langkah perubahan, mesti bakalan ada yg terkorbankan, dan itu dianggap biasa bin lumrah sepanjang cuman pihak lain sing dirugikan, wong revolusi wae iso memakan anak kandungnya sendiri tho.
Ngeling-eling pihak sing terkorbankan itu saya dadi kelingan pas nonton bioskop neng jogja mbiyen, judule wis lali, sing main sean conery. critane ttg pembunuhan neng biara .
Ada kata2 sing kerep dadi renungan saya :
Berhati-hatilah dengan pahlawan
yang sedang memperjuangkan kebenaran.
Karena dia akan mengorbankan banyak orang

Muga2 saya lan sampeyan kabeh dalam berjuang nggayuh cita2 dan kamulyane urip bisa terhindar dari mengorbankan orang lain, apapun alasannya.

Salam

Friday, May 30, 2008

telung kutho

Lumrahe wong urip, saya ini juga termasuk sing remen pados utangan, mbuh itu buat nyukupi kebutuhan rumahtangga, terkadang dan memang kerep saya pakai buat seneng2.
Soal mbayare sesuk ya embuh, sing penting saiki iso nyekel duwit.

Tapi terlepas dari apik elek nya tradisi utang saya, ada hal yg kadang mbikin hati saya mak greng saat golek utangan.
Yaitu pas ngisi formulir identitas nggon point :tempat tinggal.
Sok-sok jroning ati saya muncul pitakonan :
- sakjane saya ini urip dimana tho ?
- sakjane saya ini wong ngendi ya ?

Sebagai wong indonesia sing ndilalah ndak seberuntung sampeyan, urip saya terpaksa taklakoni mlayeng-mlayeng mrono mrene. Kepeksa mas, saya ini kudu mubeng menjajakan diri biar anak istri ndak kaliren.

Nah tentunya sok-sok timbul juga rasa romantis saya ( ben kayak wong2 sugih di sinetron kae ), muncul juga kenangan dan kesan saya tumrap panggonan2 itu .

1. Solo
Awalnya bahkan saya sering ndak menyadari kalau aku lahir neng pinggiran bengawan ini.Mbiyen itu sejak lahir sampai sma ya ndak ada pikiran apa2 ttg solo. Ndak ada kesadaran untuk memahami nafas kehidupan solo, Ngertine ya ana sriwedari sing nek sasi pasa dipakai buat pasar malem, akeh wedangan, akeh wong dodol soto, thengkleng,susu nganti sate jamu. Nek tuku klambi neng pasar klewer, Ana alun2 kidul sing nek mbengi akeh lontene.
Duwe pasar silir nggo dodol pitik trus cedake nggo dodol awak, ndak ketinggalan akeh sing dodol nomer buntut karo cap jie kia.

Nah pas umur wis merayap, adoh darinya , ati wis rada mlebu fase semeleh inilah kerinduan, kebanggaan dan kegelisahan akan situasi Kota Solo begitu memuncak,
mungkin seperti yang dibilang Khalil Gibran :

Berkepanjangan hari-hari derita yang kualami diantara dindingnya
dan panjang pula malam-malam penantian.

Dulu waktu sekolah neng jogja , wis rumangsa penak, solo wis lali, dadi arang mulih ke Solo.
Untunge saiki saya bisa menikmati solo seminggu pisan.Iso jajan wedangan, mangan thengkleng, ngombe gempol pleret
Wis rasane urip kaya neng suargo, meskipun saiki wis kegusur neng wetan bengawan.

2. Jakarta
Kota sing pengap, tur rada medeni, penuh kemegahan yang marahi saya bingung, ndak bisa saya pahami.
Uwong-uwonge kemrungsung , sibuk kayak robot,
Urip mubeng dengan irama jadwal yang ketat.
Tak ada ruang bagi improvisasi hidup kecuali jika hal itu bernilai secara ekonomis dan mbatheni.
Jane saya ini ya benci sama jakarta ning nyatane dia juga sing nguripi saya.
Di sini ini Tuhanpun semakin susah saya mengerti.
Anak2 saya babar blas ndak mau urip di sini, ibunya sing wong jakarta kepeksa ngalah.
Ning sekarang dia sudah bisa ngrasakke nikmatnya ngedohi jakarta.

3. Wonosobo.
Adem tur guyup, begitu yang saya rasakan. tempat dimana saya masih bisa menyapa seseorang dengan tersenyum lepas.Saya bisa srawung dgn ati yang wening .
Kota yang secara emosional tak ada kaitannya dengan saya maupun ibunya anak2, tak ada keluarga namun justru memberi banyak sedulur dan makna . Tapi inilah tempat yang sangat nentremke rasa. Wis agak sakwetara saya sekeluarga menjadi bagian darinya meski itu mungkin hanya dapat kami rasakan pirang sasi pisan.

Jadi nek saya bisa bebas ngisi blanko alamat, penginnya nulis :
Wong solo sing golek upo di jakarta ning duwe sedulur akeh neng wonosobo

Monday, February 25, 2008

Bungkus

Jadi orang sing disiplin kayak saya ini ( meski cuman dlm hal jam pulang ) memang banyak untungnya.Mulih kerja slalu tepat waktu, jam setengah lima wis teng siap jalan,ndak aneh kalau sampai rumah masih sore.

Masih bisa nonton infotenmen,ndengerin gosip selebritis dan ora lali berusaha bisa nonton sinetron suami2 takut istri.

Gampang buat saya untuk menyenangi sinetron ini, ceritanya lucu, trus karakter tokoh2nya terasa akrap, kayak sering taklihat di.sekitarku.

Jadi nonton sinetron suami2 takut istri seperti neng ngarep jendela menyimak sifat orang sing lewat .

Ngguyokake sekaligus bikin ngelus dada, dari sekian keluarga terhormat kok malah cuman Pak dadang si satpam yg bisa jadi suami utuh.

Lepas dari kemampuan penghasilannya ataupun aktivitas poligaminya , mung pak satpam itu yg bisa punya wibawa di keluarganya. Cuman dia yang bisa berdiri tegak di depan istri-istrinya.

Yang lain ? wak kaya tumo kupret, ndak kajen sama sekali di depan istri.

Penampilan sih kayak kelas menengah, terpelajar ning sama sekali ndak berdaya buat mimpin keluarga.

Gambaran sandiwara itu meh persis dgn apa yg taklihat sehari-hari, karakter kepura-puraan membungkus ketidakberdayaannya.

Sering kali kepalsuan lebih kita kedepankan dibanding kejernihan batin kita kan ?.

Atas nama prestis,kewibawaan ataupun profesi ndak jarang kita nglakuin hal2 sing neko2. Lha yg lebih aneh semakin pinter kita, semakin tinggi pendidikan kita kerep banget diikuti dgn makin kreatifnya kita berpura-pura.Pura2 bahwa kita serius, pura2 berwibawa, pura2 alim.

Salah satu ciri yg jelas adalah kita jadi gandrung banget dgn bungkus atawa kemasan.Pakai kata2 yg manis ning kadang gawe jengkel dan nylekit, gampang peduli atas persoalan wong nduwure tapi babar blas ndak nggagas problem orang di bawahnya, dalam pergaulan selerane di ujo seolah itu sudah standar gaya hidupnya walaupun direwangi mangan indomi neng omahe.

Wis pokoke seolah kita punya kepribadian ganda.

Neng njaba terlihat seperti pahlawan dgn segala kekuasaanya tapi di rumah persis seperti boneka, ora duwe kewenangan blas.

Bisa saja di luar penampilane persis ulama, pendeta ataupun orang bijak lainya dgn segala petuah ataupun nasehatnya ning jangan kaget kalau istri,anak ataupun orang2 terdekatnya malah ndak pernah percaya sama dia.

Jadi ya ndak aneh nek kita sering liat artis sing pinter gawe lagu romantis malah ditinggal minggat pacar. Atau wong sing kayaknya terlihat digandrungi cewek2 dan pinter ngomong ndakik-ndakik soal cinta malah ditinggal selingkuh istrinya.

Urip dgn dunia dobel sing saling bertolak belakang rasa-rasanya akan makin banyak kita temui .

Sore kemarin sambil mangan onde2 dan nyruput the panas bikinan ibu, saya ngeling-eling , gek-gek selama ini justru saya wis biasa dgn tingkah kepura-puraan dan kemunafikan.Jangan-jangan kepalsuan dan kebohongan itu bukan sekedar bungkus tataran sosial kita , tapi sudah jadi sunsum spiritualisme kita ya.

Coba saja sampeyan penggalih :

- begitu rajin kita menyembah Nya, sampai lupa kenal orang lain yg diciptakanNya juga

- sregep banget kita mohon ampunanNya, cuman anehnya ndak pernah terlihat rasa bersalah dalam kata dan perilaku kita apalagi penyesalan kepada sesama

- Ndak keitung kita ngucapin syukur atas anugerah-rahmatNya, ning tak sekejap pun kita rumangsa cukup dan puas dgn yg kita miliki isine mung kurangggggg terus

Muga2 kita semua bisa saling ngelingke dan bisa dielingke

Salam

Solo 22 Pebruari 2008

Klebus dan jemek

Rasa-rasanya sakjege urip baru di jakarta ini saya ngalami banjir.Wis rong tahun ini ngrasakke banjir.

Tahun kemarin neng awal pebruari buat pertama kalinya pagupon saya di bekasi klebon banyu dari jalan di depan rumah yg hari itu malih jadi kali.

Omah sing pernah jadi panggonan ngeyup anak-istriku (waktu belum mulih solo ) dadi jemek tur reged.Bletok dan sampah ting tlecek.Hawane adem,atis,sumuk,pliket dadi siji.Gimana ndak sumuk pliket wong meskipun kebak banyu, seharian itu saya ndak bisa mandi apalagi bebuang neng wc kudu diampet.Kalau sekedar nguyuh masih bisa,tinggal cari tempat yg agak sepi terus cuuur.Cuman untuk urusan ke wc sing paling menyiksa, bolongan wc terendam banyu, jangankan buat nangkring nambahi isine, wong justru isi jumbleng nya malah metu, jan njijiki tenan.

Lha yg nganeh-anehi banjir tahun kemarin kok ya dirayakan di tahun ini, dgn hari yg sama meneh : jumat.

Untunge saya cuman sempat ngrasake banjir siang hari saja, malamnya dgn riang taktinggal mulih numpak sepur, dada jakarta.Timbang kademen atis,ndak bisa ke wc mending balik solo iso mangan thengkleng, ngombe susu she jack bengine tuku bakmi bu citro tipes, nikmat
Mbiyen Jare wong-wong pinter banjir gede jakarta ini adalah banjir 5 tahunan ( banjir kok seperti pemilu ),ngecuprus mereka mbawa dalil2,teori2,photo satelit.Ning reaksi alam nyatane ndak seperti itu.Lagi setahun wae wis banjir meneh

Nek miturut perkiraan saya kok kaya-kayane pemerintah rada angel ngatasi banjir.Jangankan gubernur ( sing jarene wis berpengalaman dan ahlinya ) wong presiden wae kethoke ya ndak bisa ngrantasi bebendu ini kok.Paling2 da pidato-pidatoan suwe2 wong-wong lali karo banjir.

Nah tahun ngarep iso nonton wong sugih ngungsi, thenguk2 neng jalan tol,mangan sego wungkusan.
Tahun ngarep juga tv bakal nayangkan omahe wong mlarat sing klelep.
Ora sugih, ora mlarat kabeh kena.

Jan melas temen dadi wong jakarta

Jakarta,jakarta
sampeyan iso bangga saben tahun tambah gedung lan mall
ning jangan lupakan acara awal tahun mendatang, siap-siaplah ngungsi mangan mie instan

Jakarta,jakarta
Akeh artis - wong sugih numpak mobil mewah,
ning eling-elingono sasi pebruari nanti - sampeyan mungkin bakal numpak gethek dan gerobak menembus dalan sing dadi segara

Jakarta-jakarta
kok yo kemlinthi - sombong banget pesta tahun baru geden-gedenan.
mbok ngrumangsanana rong sasi meneh klelep, dadi kali

Jakarta,jakarta
wis mbuh karepmu, wong angel dikandani kok.

salam

yayon-kerepalur

Jaman

Nek saya ngeling-eling jaman mbiyen memang kenangan sama pak harto itu susah dilupakan.Lha pripun to nggih wis priyayine ramah lan berwibawa tur duwe perhatian gede karo wong cilik mligine wong ndeso.

Jaman dulu itukan masalah pertanian lan kebutuhan pokok bener2 diperhatikno sama suwargi pak Harto.Awit mulai bibit,cara nandur,manene diajari ana siaran pedesaan trus ana pak ppl sing ngasih penyuluhan.

Pengin nyambi ternak rojokoyo ana bantuan bimas,inpres iso nggaduh /entuk bibit sapi,wedus dan yg lain.Musim ketiga angel banyu, digaweke waduk ,saluran dibantu .

Desane ra kuat mbangun dibantu bapak2 abri ana AMD.Diajari nggawe apotik hidup,warung hidup dllNek Awan wis kesel neng sawah bengine nonton siaran pedesaan di tv,durung marem ana acara safari lan kamera ria.

Durung iso turu iso ngeloni bojone, entuk bantuan alat kb gratis.ora wedi nek meteng.Cobi sampeyan penggalih arep kelonan karo bojo saja pak Harto kersa menggalihke lho.Coba kalau sekarang jangankan mau turu sama istri,wong mbesok ndak bisa masak gara2 ndak ada minyak,ndak ada beras,ndak ada tempe saja cuman di yem-yemi kalau stocknya aman,kelangkaan karena spekulan,alasan thok.Kakehan iyik

Pokoke nek yg saya rasakan sih pancen jaman suwargi pak Harto itu penak-penake urip di indonesia.Sing penting sampeyan aja neko2 kepengin ngganti tatanan polotik nek kayak gitu yo sampeyan bakalan nemu kacilakan.

Memang ya lumrah nek suwargi pak Harto banget perhatian sama wong ndeso soalnya memang latar belakangnya sangat kental sebagai orang tani.Dus dgn kata lain latar belakang seseorang akan sangat mewarnai tipikal kepemimpinanya.

Contoh lain gus dur yg punya background lsm,pembicara seminar ataupun diwawancarai koran ya jaman itu dikebaki dgn wacana2 terus,perang statement, pokoke jaman itu langit negara kita dipenuhi dgn retorika2 dan wawancara.Lha tentu saja lsm,koran tv ataupun media lain untung gede.Baik koran politik maupun tabloid lher dan mistik laris tenan.Nek nggon wayang meh sama karo lakon petruk dadi ratu.

Kanggo wong cilik kayak saya jaman itu jaman sing mbingungke, bingung mbedake sing bener lan sing pener.

Anggere sampeyan wani ngomong kenceng tur mbawa jargon demokrasi ataupun hak asasi sampeyan mesti dianggep bener lan didukung .Mbuh kuwi bikin tatanan rusak,moral ambrol ataupun agama ternistakan ,sampeyan tetep menang.

Ning nek kanggone cah enom sing seneng bengok-bengok neng ndalan,lsm , politikus jaman itu adalah jaman keemasan.Akeh proyek sing iso digarap .Wong-wong pada rumangsa bisa ( ning arang2 sing bisa ngrumangsani ), kerusuhan neng ngendi2.Pokoke wong indonesia isine panas terus atine, gampang nesu.Saben dino dalanan kebak demo. Jan mbingungke tenan.

Sekarang pak Harto wis seda, diiringi rasa kehilangan sebagian rakyat juga,cacian dan tuntutan hukum dari yg lain.Jane ki yo nek menurut saya kok ndak etis ya, orang lagi sakit sampai seda kok malah didemo & dionek2ke supaya diukum.

mBok ya ngilo githoke , aja rumangsa paling resik.Pak Harto ki yo mung menungsa lumrah,ana salah lupute ning rak yo akeh banget jasane.

Timbang wong2 sing bengak-bengok neng ndalan nuntut pak Harto diukum, saya kok nganggep pak Harto lebih berjasa dibanding mereka.

Muga2 suwargi pak Harto pikantuk kalenggahan inggkang sae wonten ngersane Gusti Pangeran.

Salam,
29 Januari 2008

Jangan Tumpang (sayur dari tempe bosok )

Jaman sekarang ini memang maunya serba teratur,terstandar ( kalau wong pinter bilangnya ada sopnya ).sekolah diatur distandarin make akreditas,rumah sakit,bank wis pokoke meh semua pojokan kehidupan serba teratur.arep mbayar harus teratur nganggo antrian,tuku karcis sepur kudu teratur ngantri .

Nah sejak jaman repormasi para priyagung mangkin pinter ngetrapake aturan antri bagi wong cilik ( yg sering diidentikan dgn wong mlarat tur ora mangan sekolahan) soale dianggap kaum sing perlu disesuaikan dgn kemajuan jaman . Dalam bahasa ilmiahnya adalah meningkatkan kedisiplinan rakyat indonesia menuju masyarakat yg berkualitas.Jadi ya ora aneh nek sekarang :

- mau beli beras kudu antri,

- mau beli lengo pet ( minyak tanah ) antrine rapi pake jrigen ditaleni (tur barisane dowo banget ,mlungker-mlungker )

- arep nggoreng ? ya ngantri tuku lengo klentik atau nunggu operasi pasar.

cuman sing marahi nggak enak itu masiyo sampeyan ngantri teratur dari esuk mruput, ndak ada jaminan nek sampeyan bisa dapet komoditas sing dikarepke.

Kalau pake bahasa wedangan : wong-wong pinter saiki mung pinter nggawe aturan,antrian,sop ning gak iso nyediani barange. Manis neng lambe ning pahit tenan di lapangane.

Lha yg lebih tragis lagi minggu2 kemarin tempe menghilang dari jakarta, neng pasar babar blas ora ana tempe.Bayangkan kita yg dikenal sebagai bangsa tempe harus berpisah dari tempe.Tempe yg jadi jatidiri kita hilang.

Buat yg biasa makan burger,kentaki dsb mungkin ini kejadian biasa wong itu kan semata-mata mung persoalan suple lan deman,mung masalah disparasi harga kedele.

Ning nek kanggo wong2 kayak saya ini persoalan kedele tempe kan ndak sesederhana gitu,coba sampeyan bayangkan wong ndeso kayak saya harus makan tanpa lawuh tempe ? apa ya kolu madang tanpa aroma tempe ?

yang ta wedeni itu kalau kelangkaan tempe makin berkepanjangan,wis makin sengsoro urip ini, coba sampeyan penggalih:

- nek tempe langka maka kalau pas dina jumat saya nggandul sepur pulang ke solo begitu jam makan di purwokerto pasti mendoan di warung bu parlan sudah ndak ada,tempe kripik juga ikut menghilang, kapiran tenan saya

- begitu kereta sampai di solo bayangan saya ttg mangan enak di rumah mesti musnah juga,ibunya anak2 kasih alasan : hari ini ndak bikin jangan tumpang, ra nduwe tempe bosok,tempe seger saja ndak ada di pasar kok.

bayangkan ! mulih ke solo tanpa menyantap jangan tumpang ?.

Mosok akeh wong pinter sing ngurus negoro, kok menyediakan tempe wae ora iso.

Begitu banyak priyagung sing sekolah duwur tapi menjaga ketersediaan jangan tumpang saja angel.

salam
Solo 24 Januari 2008