sepatu orthopadi
orthoshoping.com
sepatu untuk koreksi kaki pengkor/ bengkok pada balita
kelainan kaki pada balita
Ads orthoshop
Sunday, January 18, 2009
Lampahan Rama Nitis
sepatu orthopadi
orthoshoping.com
sepatu untuk koreksi kaki pengkor/ bengkok pada balita
kelainan kaki pada balita
Ads orthoshop
LAMPAHAN RAMA NITIS
(miturut Balai Pustaka)
I. Ing Dwarawati: Prabu Kresna diadhep Patih Udawa, Satyaki lan wadyabala, nggunem tata-tentreming praja. Kesaru rawuhe Prabu Baladewa nitih dirada Mangsabarat didherekake para wadyabala.
Prabu Baladewa mundhut pambiyantu Prabu Kresna, amarga tampa layang pangancam saka Prabu rama sing surasane, "Prabu Baladewa didhawuhi nungkul karananing aris, yen lenggana, nagara Mandura bakal digawe karang-abang."
Prabu Kresna nyaosi babantu Samba lan Satyaki, Prabu Baladewa banjur kondur menyang Mandura, didherekake Samba lan Satyaki. Ing sapungkure Prabu Baladewa, Prabu Kresna ngrasuk busana, banjur napak jumantara nedya tindak menyang Ngamarta tetinjo Pandawa.
II. Ing Pancawati: Prabu Rama diadhep Prabu Wibisana, Kapindra Sugriwa lsp. Sawise nggunem tata-tentreming praja, Prabu Rama dhawuh Kapindra Sugriwa ngirid wadyabala wanara menyang Mandura, pepak sagegamaning ayuda. Prabu Baladewa Ratu Mandura kang lenggana nungkul karananing aris marang Prabu Rama, kudu ditelukake kaarananing perang rerempon. Kapindra matur sendika, banjur budhal sawadyabalane menyang Mandura.
III. Lakune wadyabala wanara kang disenopateni Kapindra Sugriwa kepethuk barisan Mandura. Sulayaning rembug dadi perang, nanging wasanane banjur padha dene nyimpang dalan.
IV. Ing kadhaton Ayodya: Prabu Bharata diadhep Satrugna, Dewi Antrakawulan lsp. Prabu Bharata ngendikani Dewi Antrakawulan bab olehe ora netepi kuwajibaning putri kudu leladi marang kakung. Dewi Antrakawulan matur, karsa ngladosi Sang Prabu, manawa Sang Prabu saged mbadhe cangkrimane.
Prabu Bharata dhawuh marang Satrugna ndikakake menyang Girituba ngaturi rawuh Laksmana, nedya pinita-sraya mbadhe cangkrimane Sang Dewi. Sawise matur sendika, Satrugna tumuli mangkat menyang Girituba.
V. Ing Ngamarta: Prabu Darmakusuma, Bhima, Nakula lan Sahadewa padha nawung prihatin, amarga Arjuna gerah wis sawatara suwene.
Ora antara suwe Prabu Kresna rawuh. Sawise bage-binage kasugengan karo Prabu Darmakusuma lan karo kang padha seba, Prabu Kresna banjur mundhut priksa kahanane Arjuna. SAwise diaturi priksa dening Prabu Yudhistira yen gerahe Arjuna sajak rada banget, Prabu Kresna banjur mriksani Arjuna ing pasareyane, kang nalika samana dipeteki dening para garwane. Prabu Kresna ngendika bisik-bisik lirih banget marang Arjuna, mratelakake yen ing Ayodya ana putri pinunjul ing warna asma Dewi Antrakawulan. Saka lirihing pangandikane Prabu Kresna, ora kapiyarsa dening para garwa kang lagi meteki Arjuna.
Sawise dingendikani Prabu Kresna, Arjuna matek aji panglimunan, banjur oncat saka pasareyan, tanpa kawruhan para garwa, terus miyos manjaba, njawil para panakawan didhawuhi ndherek. Para garwa kang padha meteki, bareng karasa ing asta yen sing dipeteki ora ana mung kari singepe bae, padha alok kelangan, banjur padha nggoleki kanthi panggalih bingung pating bilulung.
Prabu Kresna njawil Gathutkaca, banjur bebarengan napak jumantara.
VI. Ing kasatriyan Girituba utawa Dhendhakaya, Laksmana lagi imbal wacana karo Anoman, kesaru praptane Satrugna. Sawise Satrugna mratelakake kapreluwane sowan amrga diutus dening Prabu Bharata, Laksmana banjur enggal-enggal tindak menyang Ayodya, didherekake Satrugna lan dimemanuki Anoman saka gegana
VII. Ing kadhaton Ayodya: Prabu Bharata diadhep Dewi Antrakawulan lsp., ngarep-arep sowane Laksmana. Ora antara suwe Laksmana prapta didherekakae Satrugna, wondene Anoman akekalangan ana ing gegana.
Laksmana pinita-sraya dening Prabu Bharata ndikakake mbadhe cangkrimane Dewi Antrakawulan. Sawise cangkrimane dibadhe, Dewi Antrakawulan kasmaran marang Laksmana. Amarga wedi marang wanodya, jalaran wadat, Laksmana lumayu metu saka kadhaton, nanging terus dioyak dening sang dewi, digondheli kuncane. Laksmana panggalihe trataban, salirane ndhrodhog wel-welan. Tujune Laksmana banjur disaut dening Anoman saka gegana, digawa menyang Pancadhendha. Dewi Antrakawulan nangis asesambat, nangisi Laksmana. Dumadakan Dewi Antrakawulan kepethuk Arjuna. Panengah Pandhawa iku kinira Laksmana dening sang dewi, mulane tumuli dirangkul lan diarasi, sarta diejak lambangsari. Parekan kang sumurup lelakon iku tumuli lumayu marak Prabu Bharata, ngaturi priksa yen Laksmana nyidra resmi Dewi Antrakawulan. Prabu Bharata madulake bab iku marang Prabu Rama.
VIII. Ing kadhaton Pancawati: Prabu Rama diadhep Laksmana, Prabu Wibisana, lsp. Ora antara suwe Anoman prapta, ndhrekake Laksmana mentas saka Ayodya. Ora suwe maneh Prabu Bharata prapta, madulake tindak-tanduke Laksmana.
Sawise nampa wewadule PRabu Bharata, Prabu Rama dhawuh mbanda Laksmana. Nanging amarga saka atur pamrayogane Prabu Wibhisana, Laksamana tumuli diluwari, banjur didhawuhi manjing ing taman Ayodya. Laksmana mangkat, jinangkung Anoman saka gegana.
Praptane ing taman Ayodya, Laksmana priksa Arjuna lagi pepasihan karo Dewi Antrakawulan. Laksmana perang lumawan Arjuna, agawe bingunge Dewi Antrakawulan. Sang Dewi mung pijer kontrang-kantring mlayu mrana mlayu mrene, amarga ora ngreti apa kang kudu ditindakake.
IX. Prabu Kresna kepethuk Prabu Rama, amarga sulaya ing rembug banjur dadi perang, wasanane Prabu Rama nitis marang Prabu Kresna. Dewi Sinta nitis marang Dewi Sumbadra. Wondene Laksmana, ing sakawit nitis marang Arjuna. Nanging amarga Laksmana iku wadat, mangka Arjuna garwane akeh, Laksmana ora kuwat ana ing guwa garbane Arjuna. Laksmana ngoncati Arjuna, banjur manjing guwa garbane Prabu Baladewa.
(miturut Balai Pustaka)
I. Ing Dwarawati: Prabu Kresna diadhep Patih Udawa, Satyaki lan wadyabala, nggunem tata-tentreming praja. Kesaru rawuhe Prabu Baladewa nitih dirada Mangsabarat didherekake para wadyabala.
Prabu Baladewa mundhut pambiyantu Prabu Kresna, amarga tampa layang pangancam saka Prabu rama sing surasane, "Prabu Baladewa didhawuhi nungkul karananing aris, yen lenggana, nagara Mandura bakal digawe karang-abang."
Prabu Kresna nyaosi babantu Samba lan Satyaki, Prabu Baladewa banjur kondur menyang Mandura, didherekake Samba lan Satyaki. Ing sapungkure Prabu Baladewa, Prabu Kresna ngrasuk busana, banjur napak jumantara nedya tindak menyang Ngamarta tetinjo Pandawa.
II. Ing Pancawati: Prabu Rama diadhep Prabu Wibisana, Kapindra Sugriwa lsp. Sawise nggunem tata-tentreming praja, Prabu Rama dhawuh Kapindra Sugriwa ngirid wadyabala wanara menyang Mandura, pepak sagegamaning ayuda. Prabu Baladewa Ratu Mandura kang lenggana nungkul karananing aris marang Prabu Rama, kudu ditelukake kaarananing perang rerempon. Kapindra matur sendika, banjur budhal sawadyabalane menyang Mandura.
III. Lakune wadyabala wanara kang disenopateni Kapindra Sugriwa kepethuk barisan Mandura. Sulayaning rembug dadi perang, nanging wasanane banjur padha dene nyimpang dalan.
IV. Ing kadhaton Ayodya: Prabu Bharata diadhep Satrugna, Dewi Antrakawulan lsp. Prabu Bharata ngendikani Dewi Antrakawulan bab olehe ora netepi kuwajibaning putri kudu leladi marang kakung. Dewi Antrakawulan matur, karsa ngladosi Sang Prabu, manawa Sang Prabu saged mbadhe cangkrimane.
Prabu Bharata dhawuh marang Satrugna ndikakake menyang Girituba ngaturi rawuh Laksmana, nedya pinita-sraya mbadhe cangkrimane Sang Dewi. Sawise matur sendika, Satrugna tumuli mangkat menyang Girituba.
V. Ing Ngamarta: Prabu Darmakusuma, Bhima, Nakula lan Sahadewa padha nawung prihatin, amarga Arjuna gerah wis sawatara suwene.
Ora antara suwe Prabu Kresna rawuh. Sawise bage-binage kasugengan karo Prabu Darmakusuma lan karo kang padha seba, Prabu Kresna banjur mundhut priksa kahanane Arjuna. SAwise diaturi priksa dening Prabu Yudhistira yen gerahe Arjuna sajak rada banget, Prabu Kresna banjur mriksani Arjuna ing pasareyane, kang nalika samana dipeteki dening para garwane. Prabu Kresna ngendika bisik-bisik lirih banget marang Arjuna, mratelakake yen ing Ayodya ana putri pinunjul ing warna asma Dewi Antrakawulan. Saka lirihing pangandikane Prabu Kresna, ora kapiyarsa dening para garwa kang lagi meteki Arjuna.
Sawise dingendikani Prabu Kresna, Arjuna matek aji panglimunan, banjur oncat saka pasareyan, tanpa kawruhan para garwa, terus miyos manjaba, njawil para panakawan didhawuhi ndherek. Para garwa kang padha meteki, bareng karasa ing asta yen sing dipeteki ora ana mung kari singepe bae, padha alok kelangan, banjur padha nggoleki kanthi panggalih bingung pating bilulung.
Prabu Kresna njawil Gathutkaca, banjur bebarengan napak jumantara.
VI. Ing kasatriyan Girituba utawa Dhendhakaya, Laksmana lagi imbal wacana karo Anoman, kesaru praptane Satrugna. Sawise Satrugna mratelakake kapreluwane sowan amrga diutus dening Prabu Bharata, Laksmana banjur enggal-enggal tindak menyang Ayodya, didherekake Satrugna lan dimemanuki Anoman saka gegana
VII. Ing kadhaton Ayodya: Prabu Bharata diadhep Dewi Antrakawulan lsp., ngarep-arep sowane Laksmana. Ora antara suwe Laksmana prapta didherekakae Satrugna, wondene Anoman akekalangan ana ing gegana.
Laksmana pinita-sraya dening Prabu Bharata ndikakake mbadhe cangkrimane Dewi Antrakawulan. Sawise cangkrimane dibadhe, Dewi Antrakawulan kasmaran marang Laksmana. Amarga wedi marang wanodya, jalaran wadat, Laksmana lumayu metu saka kadhaton, nanging terus dioyak dening sang dewi, digondheli kuncane. Laksmana panggalihe trataban, salirane ndhrodhog wel-welan. Tujune Laksmana banjur disaut dening Anoman saka gegana, digawa menyang Pancadhendha. Dewi Antrakawulan nangis asesambat, nangisi Laksmana. Dumadakan Dewi Antrakawulan kepethuk Arjuna. Panengah Pandhawa iku kinira Laksmana dening sang dewi, mulane tumuli dirangkul lan diarasi, sarta diejak lambangsari. Parekan kang sumurup lelakon iku tumuli lumayu marak Prabu Bharata, ngaturi priksa yen Laksmana nyidra resmi Dewi Antrakawulan. Prabu Bharata madulake bab iku marang Prabu Rama.
VIII. Ing kadhaton Pancawati: Prabu Rama diadhep Laksmana, Prabu Wibisana, lsp. Ora antara suwe Anoman prapta, ndhrekake Laksmana mentas saka Ayodya. Ora suwe maneh Prabu Bharata prapta, madulake tindak-tanduke Laksmana.
Sawise nampa wewadule PRabu Bharata, Prabu Rama dhawuh mbanda Laksmana. Nanging amarga saka atur pamrayogane Prabu Wibhisana, Laksamana tumuli diluwari, banjur didhawuhi manjing ing taman Ayodya. Laksmana mangkat, jinangkung Anoman saka gegana.
Praptane ing taman Ayodya, Laksmana priksa Arjuna lagi pepasihan karo Dewi Antrakawulan. Laksmana perang lumawan Arjuna, agawe bingunge Dewi Antrakawulan. Sang Dewi mung pijer kontrang-kantring mlayu mrana mlayu mrene, amarga ora ngreti apa kang kudu ditindakake.
IX. Prabu Kresna kepethuk Prabu Rama, amarga sulaya ing rembug banjur dadi perang, wasanane Prabu Rama nitis marang Prabu Kresna. Dewi Sinta nitis marang Dewi Sumbadra. Wondene Laksmana, ing sakawit nitis marang Arjuna. Nanging amarga Laksmana iku wadat, mangka Arjuna garwane akeh, Laksmana ora kuwat ana ing guwa garbane Arjuna. Laksmana ngoncati Arjuna, banjur manjing guwa garbane Prabu Baladewa.
sepatu orthopadi
orthoshoping.com
sepatu untuk koreksi kaki pengkor/ bengkok pada balita
kelainan kaki pada balita
Ads orthoshop
Subscribe to:
Post Comments (Atom)
No comments:
Post a Comment
Note: Only a member of this blog may post a comment.