Monday, January 30, 2012

SESORAH KETUA OSIS ING ACARA PEPISAHAN KELAS SANGA

sepatu orthopadi orthoshoping.com sepatu untuk koreksi kaki pengkor/ bengkok pada balita kelainan kaki pada balita arrow
Ads orthoshop info
sepatu orthopadi orthoshoping.com sepatu untuk koreksi kaki pengkor/ bengkok pada balita kelainan kaki pada balita arrow
Ads orthoshop info
Assalamualaikum Wr. Wb.

Ibu Kepala SMP N 12 Pekalongan ingkang dahat kinurmatan. Bapak Ibu guru saha Staf Karyawan ingkang kula kurmati. Raka kelas sanga ingkang kula tresnani.

Pudya puji pudyastuti katur dhumateng Gusti ingkang Maha Agung, ingkang sampun angluberaken rahmat sarta hidayah dhumateng kula panjenengan sami.

Raka kelas sanga ingkang kula tresnani ingkang sekedhap malih badhe nilaraken bangku pawiyatan ing SMP N 12 Pekalongan menika. Awrat sejatosipun kula minangka sesulihipun kelas pitu lan kelas wolu anggen kula ngaturaken panampi atur pepisahan saking raka kelas sanga. Awit, raka kelas sanga sampun kula anggep sedherek piyambak, samenika badhe oncat saking SMP. Nanging kados pundi malih ingkang sampun kaaturaken sesulih raka kelas sanga bilih wonten pepanggihan temtu badhe wonten pepisahan. Kula panjenengan sami namung manungsa limrah boten kuwawa nyelaki pepestening dumadi.

Raka kelas sanga, kula ngraosaken bingah dene panjenengan sampun kasil medal saking SMP menika kanthi nganthongi ijasah, saengga kula boten kuwawa nggondheli malih anggen panjenengan nglajengaken pasinaon wonten SMA.

Raka kelas sanga ingkang kula tresnani, kula sakanca tansah ngaturaken agunging panuwun panjenengan kersa paring pitedhah dhumateng rayi kelas pitu lan kelas wolu. Kula sakanca boten saged atur pinwales menapa-menapa namung atur pudya pudyastuti wonten ngarsanipun Pengean mugi sedaya kesaenan panjenengan angsal piwales ingkang samurwat saking Gusti Ingkang Murbeng Dumadi. Mugi-mugi ingkang gadhah gegayuhan badhe nglajengaken sekolah SMA saged katampi ing sekolah ingkang dipunremeni. Kula sakanca nyuwun pangapunten ingkang kathah, mbok bilih anggenipun srawung kaliyan raka kelas sanga kirang angggenipun subasita tuwin tata karma.

Wasana kula cekapi atur panampi pamitan menika, menawi wonten kiranging atur kula tansah nyuwun agunging samudra pangaksami.

Wassalamuaaikum Wr. Wb.
Nuwun
sepatu orthopadi orthoshoping.com sepatu untuk koreksi kaki pengkor/ bengkok pada balita kelainan kaki pada balita arrow
Ads orthoshop info
Posted by at

No comments:

Post a Comment

Note: Only a member of this blog may post a comment.

Subscribe to: Post Comments (Atom)