sepatu orthopadi
orthoshoping.com
sepatu untuk koreksi kaki pengkor/ bengkok pada balita
kelainan kaki pada balita
Ads orthoshop
Sunday, January 18, 2009
Janturan
sepatu orthopadi
orthoshoping.com
sepatu untuk koreksi kaki pengkor/ bengkok pada balita
kelainan kaki pada balita
Ads orthoshop
JANTURAN WIRATA
Minangka sambunging kandha prak ginawé adoh, adoh ginawé perak. Ingkang ana ing nagara Wiratha. Negara jembar jajahané, gedhé bawahané. Sinten ta ingkang winenang jumeneng keprabon ing kono. Lah punika ta ingkang ajejuluk Sri Bagindha Maharaja Prabu Matswapati, ya Prabu Mangsahpati, ya Sang Durgandana. Naréndra amiguna ing aguna tan ngendhak gunaning janma, remen nggeganjar ngawula wisuda kang sepi ing pamrih. Déné lelabuhaning Sang Nata paring payung wong kodanan, paring kudhung wong kepanasen, paring teken wong kalunyon, paring boga wong kaluwèn, paring toya wong kasatan, paring sandhang wong kawudan, maluyakaken sesakit, miwah karya sukaning prihatin.. Naréndra bèrbudi bawa laksana. Liré berbudi lila legawa ing driya, anggung dénya paring dana, anggeganjar saben dina. Liré bawa laksana anetepi pangandika. Nora mokal marma lamun tansah sinuyutan déning kabèh para narapraja, myang pra kawula dasih.
Nuju ri sajuga sang nata kepareng lelenggahan ing balé wewangunan, ingadhep ingkang abdi kang tansah cinaket ing siyang ratri anenggih Tandha Dwijakangka, myang kang putra kasatriyan Raden Utara ya Sang Buminjaya. Nalika samana sang nata wus dangu dénya lelenggahan, tan karsa angunandika. Jroning driya anggung kèngetan sédané ingkang kadang Radèn Rupakénca miwah Kéncakarupa dening gandarwa. Dupi mulat sébané ingkang abdi lan kang putra adoh ingawé celak anggung cinaketaken. Mangkana ririh sabdanya yèn ta kawijiling lésan.
GINEM:
Matswapati :
Kangka, sawatara anggonmu ngadhep ana ing ngarsaningsun, apa padha kanthi karaharjan?
Kangka :
Sowan kula ing ngabyantara paduka Sri Bagindha Maharaja tansah winantu ing karaharjan, amung sumungkeming pangabekti kula mawantu-wantu konjuka ing sahandhaping pepada.
Matswapati :
ya, tak tampa gawé gedhéning atiku. Nggèr, Utara. Apa padha karaharjan nggonmu ngadhep jenengingsun?
Utara :
Kawula nok non, sowan kula ingarsa paduka Kanjeng Rama Prabu nir ing sambékala, amung sumunkeming pangabekti kula mawantu-wantu konjuka ing sahandhap pepada paduka kanjeng rama, kula nok non.
Matswapati :
ya ya, tak tampa gawé gedhéning atiku, amung pangèstuku di agé tampanana.
Utara :
Sanget anggèn kula mundhi paring pangèstu paduka, mugi mewahana rah daging kayuwanan.
Matswapati :
Kangka, marmané sébamu adoh tak awé cerak sangsaya tak raketaké, ana sawiji-wiji kang kudu tak andharaké. Awit ya mung kowé Kangka kang tak wawas bangkit ngudhari reruwet, madhangi kang peteng, ngganepi pétungan kang ganjil. Magepokan kalawan lelakon kang katembèn sinandhang praja Wiratha, sédane kadangku Rupakénca lan Kéncakarupa, kang miturut kabar awit saka pakartining gandarwa bojoné si Salindri. Kangka, miturut pamawasmu apa wus jamak lumrahé ana manungsa darbé bojo gandarwa.
Kangka :
Njeng sinuwun. Lelampahan ing jagad punika kadhang kala asring singlar saking kodrat. Wondéné ingkang sok sinebat kodrat punika sayekti amung gumelaring pakulinan ingkang dipun kawruhi manungsa. Sayektosipun prekawis manungsa gadhah bojo gandarwa dédé bab ingkang andupara. Mbok manawi taksih kathah ingkang nunggil suraos, umpaminipun wonten titah ingkang asipat raseksa darbé sisihan widadari, kadidéné Begawan Bagaspati ingkang anggarwa Bathari Tapayati. Dados, manawi paduka adreng kepingin anguningani menggah kahananipun Salindri, kedah mawi panaliti ingkang lebet, tur ta ambetahaken wanci ingkang mirunggan.
Matswapati :
ya, kaya bener aturmu. Yèn ta nganti jenengingsun grusa-grusu nibakaké bebendu marang Salindri, kaya durung netepi jenenging adil. Utara, kepriyé mungguh pamawasmu nggèr?
Utara :
Kanjeng rama, mboten nama kula badhé anduwa kapareng paduka. Rèhning lelampahan praja Wiratha ingkang kados makaten wau, ageng alitipun dipun sababaken Salindri, prayogining lampah amung kedah nyingkiraken Salindri saking praja Wiratha.
Ada-ada Greget saut Nem.
6 6 6 6 6 6 65 5
Rarasing rèh sang nahen kung
2 2 2 2 2 2 21 1
Sang dyah tan kapadhaning sih
1 1 1 1 1 1 1 2 1 1 1 1 5 5 5 5 2.1.21
Kasangsaya ing turidha rudatine angranuhi, o
1 1 1 1 1 1 1 1
Ngrancaka temah wigena
2 2 2 2 2 2 216 6 3.52.1.65
Ginupita ing saha - ri, o
Srepeg Lasem seseg, sowanipun Nirbita. Gangsa kasirep.
GINEM
Matswapati : Nirbita, Nirbita. Ngadhep ora kanthi tak timbali, ana wigati apa?
Nirbita : dhuh dhuh njeng Padukéndra, ngaturaken katiwasan.
Matswapati : ana apa?
Nirbita : Nagri Wiratha kadhatengan parangmuka kang tanpa layang penantang.
Matswapati : mungsuh saka ngendi?
Nirbita :
saking iring lèr, mboten pangling punika wadyabala saking Trigarta ingkang tinindhihan Prabu Susarma, déné saking iring kidul, nitik bandéra rontèk saha umbul-umbulipun punika wadyabala saking Ngastina. Mugi ndadosna kawuningan.
Matswapati :
dhesmalaningrat, panuksmaning iblis, gelah-gelahing jagat. Wah, yèn kepara nyata mangkono. Aja wedi kangèlan, dina iki kerigna kabèh wadya bala. Panthanen rong pantha, kang sapantha methukaké mungsuh saka lor, aku dhéwé kang mandhégani jurit. Déné kang sapantha methukna mungsuh saka iring kidul, Utara kowé kang wenang mranata gelar.
Utara : ngèstokaken dhawuh.
Srepeg gesang, bodholan. Lajeng papagan Trigarta vs Wiratha.
Ada-ada Greget Saut Nem
6 6 6 6 6 6 6 6 6 6 65 5
Ridhu mawur mangawur-awur wurahan
2 2 2 2 2 21 1
Tengaraning ajurit
1 1 1 1 2 2 1 1 1 1 5 5 5 2.1.21
Gong maguru gangsa teteg kaya butula, o
1 1 1 1 1 1 1 1
Wor panjriting turanggèsthi
2 2 2 3 5 2 2 2 2 2 216 6 3
Rekatak ingkang dwaja lelayu se - bit, o
Minangka sambunging kandha prak ginawé adoh, adoh ginawé perak. Ingkang ana ing nagara Wiratha. Negara jembar jajahané, gedhé bawahané. Sinten ta ingkang winenang jumeneng keprabon ing kono. Lah punika ta ingkang ajejuluk Sri Bagindha Maharaja Prabu Matswapati, ya Prabu Mangsahpati, ya Sang Durgandana. Naréndra amiguna ing aguna tan ngendhak gunaning janma, remen nggeganjar ngawula wisuda kang sepi ing pamrih. Déné lelabuhaning Sang Nata paring payung wong kodanan, paring kudhung wong kepanasen, paring teken wong kalunyon, paring boga wong kaluwèn, paring toya wong kasatan, paring sandhang wong kawudan, maluyakaken sesakit, miwah karya sukaning prihatin.. Naréndra bèrbudi bawa laksana. Liré berbudi lila legawa ing driya, anggung dénya paring dana, anggeganjar saben dina. Liré bawa laksana anetepi pangandika. Nora mokal marma lamun tansah sinuyutan déning kabèh para narapraja, myang pra kawula dasih.
Nuju ri sajuga sang nata kepareng lelenggahan ing balé wewangunan, ingadhep ingkang abdi kang tansah cinaket ing siyang ratri anenggih Tandha Dwijakangka, myang kang putra kasatriyan Raden Utara ya Sang Buminjaya. Nalika samana sang nata wus dangu dénya lelenggahan, tan karsa angunandika. Jroning driya anggung kèngetan sédané ingkang kadang Radèn Rupakénca miwah Kéncakarupa dening gandarwa. Dupi mulat sébané ingkang abdi lan kang putra adoh ingawé celak anggung cinaketaken. Mangkana ririh sabdanya yèn ta kawijiling lésan.
GINEM:
Matswapati :
Kangka, sawatara anggonmu ngadhep ana ing ngarsaningsun, apa padha kanthi karaharjan?
Kangka :
Sowan kula ing ngabyantara paduka Sri Bagindha Maharaja tansah winantu ing karaharjan, amung sumungkeming pangabekti kula mawantu-wantu konjuka ing sahandhaping pepada.
Matswapati :
ya, tak tampa gawé gedhéning atiku. Nggèr, Utara. Apa padha karaharjan nggonmu ngadhep jenengingsun?
Utara :
Kawula nok non, sowan kula ingarsa paduka Kanjeng Rama Prabu nir ing sambékala, amung sumunkeming pangabekti kula mawantu-wantu konjuka ing sahandhap pepada paduka kanjeng rama, kula nok non.
Matswapati :
ya ya, tak tampa gawé gedhéning atiku, amung pangèstuku di agé tampanana.
Utara :
Sanget anggèn kula mundhi paring pangèstu paduka, mugi mewahana rah daging kayuwanan.
Matswapati :
Kangka, marmané sébamu adoh tak awé cerak sangsaya tak raketaké, ana sawiji-wiji kang kudu tak andharaké. Awit ya mung kowé Kangka kang tak wawas bangkit ngudhari reruwet, madhangi kang peteng, ngganepi pétungan kang ganjil. Magepokan kalawan lelakon kang katembèn sinandhang praja Wiratha, sédane kadangku Rupakénca lan Kéncakarupa, kang miturut kabar awit saka pakartining gandarwa bojoné si Salindri. Kangka, miturut pamawasmu apa wus jamak lumrahé ana manungsa darbé bojo gandarwa.
Kangka :
Njeng sinuwun. Lelampahan ing jagad punika kadhang kala asring singlar saking kodrat. Wondéné ingkang sok sinebat kodrat punika sayekti amung gumelaring pakulinan ingkang dipun kawruhi manungsa. Sayektosipun prekawis manungsa gadhah bojo gandarwa dédé bab ingkang andupara. Mbok manawi taksih kathah ingkang nunggil suraos, umpaminipun wonten titah ingkang asipat raseksa darbé sisihan widadari, kadidéné Begawan Bagaspati ingkang anggarwa Bathari Tapayati. Dados, manawi paduka adreng kepingin anguningani menggah kahananipun Salindri, kedah mawi panaliti ingkang lebet, tur ta ambetahaken wanci ingkang mirunggan.
Matswapati :
ya, kaya bener aturmu. Yèn ta nganti jenengingsun grusa-grusu nibakaké bebendu marang Salindri, kaya durung netepi jenenging adil. Utara, kepriyé mungguh pamawasmu nggèr?
Utara :
Kanjeng rama, mboten nama kula badhé anduwa kapareng paduka. Rèhning lelampahan praja Wiratha ingkang kados makaten wau, ageng alitipun dipun sababaken Salindri, prayogining lampah amung kedah nyingkiraken Salindri saking praja Wiratha.
Ada-ada Greget saut Nem.
6 6 6 6 6 6 65 5
Rarasing rèh sang nahen kung
2 2 2 2 2 2 21 1
Sang dyah tan kapadhaning sih
1 1 1 1 1 1 1 2 1 1 1 1 5 5 5 5 2.1.21
Kasangsaya ing turidha rudatine angranuhi, o
1 1 1 1 1 1 1 1
Ngrancaka temah wigena
2 2 2 2 2 2 216 6 3.52.1.65
Ginupita ing saha - ri, o
Srepeg Lasem seseg, sowanipun Nirbita. Gangsa kasirep.
GINEM
Matswapati : Nirbita, Nirbita. Ngadhep ora kanthi tak timbali, ana wigati apa?
Nirbita : dhuh dhuh njeng Padukéndra, ngaturaken katiwasan.
Matswapati : ana apa?
Nirbita : Nagri Wiratha kadhatengan parangmuka kang tanpa layang penantang.
Matswapati : mungsuh saka ngendi?
Nirbita :
saking iring lèr, mboten pangling punika wadyabala saking Trigarta ingkang tinindhihan Prabu Susarma, déné saking iring kidul, nitik bandéra rontèk saha umbul-umbulipun punika wadyabala saking Ngastina. Mugi ndadosna kawuningan.
Matswapati :
dhesmalaningrat, panuksmaning iblis, gelah-gelahing jagat. Wah, yèn kepara nyata mangkono. Aja wedi kangèlan, dina iki kerigna kabèh wadya bala. Panthanen rong pantha, kang sapantha methukaké mungsuh saka lor, aku dhéwé kang mandhégani jurit. Déné kang sapantha methukna mungsuh saka iring kidul, Utara kowé kang wenang mranata gelar.
Utara : ngèstokaken dhawuh.
Srepeg gesang, bodholan. Lajeng papagan Trigarta vs Wiratha.
Ada-ada Greget Saut Nem
6 6 6 6 6 6 6 6 6 6 65 5
Ridhu mawur mangawur-awur wurahan
2 2 2 2 2 21 1
Tengaraning ajurit
1 1 1 1 2 2 1 1 1 1 5 5 5 2.1.21
Gong maguru gangsa teteg kaya butula, o
1 1 1 1 1 1 1 1
Wor panjriting turanggèsthi
2 2 2 3 5 2 2 2 2 2 216 6 3
Rekatak ingkang dwaja lelayu se - bit, o
sepatu orthopadi
orthoshoping.com
sepatu untuk koreksi kaki pengkor/ bengkok pada balita
kelainan kaki pada balita
Ads orthoshop
Subscribe to:
Post Comments (Atom)
No comments:
Post a Comment
Note: Only a member of this blog may post a comment.