Thursday, November 29, 2012

SESORAH PENGETAN 17-AN (DINTEN KAMARDIKAN)

sepatu orthopadi orthoshoping.com sepatu untuk koreksi kaki pengkor/ bengkok pada balita kelainan kaki pada balita arrow
Ads orthoshop info
sepatu orthopadi orthoshoping.com sepatu untuk koreksi kaki pengkor/ bengkok pada balita kelainan kaki pada balita arrow
Ads orthoshop info

 
Assalamu’alaikum wr. wb.
            Bapak Kepala Sekolah ingkang kinurmatan. Para Bapak saha Ibu Guru ingkang kula kurmati. Para tamu undhangan ingkang kula kurmati lan sedaya kanca ingkang kula tresnani.
            Sumangga kita sesarengan ngaturaken puji sokur wonten ngarsanipun Gusti Allah Ingkang Maha Kuwaos jalaran awit saking rahmat saha karunianipun, kita sedaya taksih saged kepanggih lan kempal wonten ing aula ngriki kanthi kawontenan sehat walafiat boten kirang satunggal menapa.
            Kajawi saking menika, kapareng matur, kula minangka sesulihipun kanca-kanca panitia Pengetan Dinten Kamardikan Negari Republik Indonesia ingkang kaping 67 ing sekolah ngriki, ngaturaken sugeng rawuh lan matur nuwun sanget awit panjenengan sedaya sampun kersa ngrawuhi pengetan menika.
            Bapak saha Ibu Guru, para tamu undhangan dalah sedaya kanca ingkang kula kurmati. Ing dinten menika kita sedaya mengeti dinten kamardikan Indonesia ingkang kaping 67. Dados sampun samesthinipun kita kedah ngaturaken puji sokur dhumateng Gusti Allah lan atur panuwun dhumateng para pahlawan ingkang sampun ngurbanaken jiwa raganipun kangge mijuangaken kamardikan negari kita. Tanpa perjuanganipun para pahlawan, mbok menawi ngantos dinten menika kita taksih dados bangsa ingkang dipunjajah dening bangsa sanes. Mila awit saking menika, kula ngajak para kanca, mangga sareng-sareng kita ngurmati jasa para pahlawan. Ngurmati jasa para pahlawan boten kedah upacara kanthi mewah, nanging cekap sedherhana kemawon. Ingkang wigati kita kedah saged niru sikepipun para pahlawan anggenipun mijuang tanpa pamrih kajawi tumuju dhateng kamardikaning bangsa lan negari. Raos ikhlas mijuang menika sikep ingkang patut dipuntiru. Mangga, kula ngajak para kanca ikhlas mijuang nindakaken tugas lan kuwajibanipun lare sekolah. Kanthi mekaten perjuanganipun para pahlawan boten muspra.
Para tamu undhangan ingkang kula kurmati, saha para kanca ingkang kula tresnani. Kula sakanca panitia nyuwun pangapunten menawi acara-acara ing pengetan menika kirang sae lan mbok menawi kathah kekiranganipun. Ingkang kula suwun mugi-mugi lomba kangge ngisi pengetan dinten karmadikan menika saged kaleksanan kanthi lancar saha sportif.
Mekaten atur kula, nuwun.
Wassalamu’alaikum wr. wb.
sepatu orthopadi orthoshoping.com sepatu untuk koreksi kaki pengkor/ bengkok pada balita kelainan kaki pada balita arrow
Ads orthoshop info
Posted by at

No comments:

Post a Comment

Note: Only a member of this blog may post a comment.

Subscribe to: Post Comments (Atom)